ས་གནས་དེ་གའི་དུས་ཚོད་སྤྱི་ཚེས་23ཉིན་གྱི་དགོང་མོ། ཕ་ལེ་སི་ཐན་དབྱི་སི་ལམ་འགོག་རྒོལ་ལས་འགུལ（ཧ་མ་སི）སྨྱན་སྦྱོར་གཞུང་ལས་ཁང་གིས། ཐེངས་འདིའི་ཕ་ལེ་སི་ཐན་དང་དབྱི་སི་རལ་བར་གྱི་གདོང་ཐུག་ཐོན་པ་ནས་ད་བར། ཀ་ཧྲ་ས་ཁུལ་དུ་རྐྱེན་ལམ་དུ་ཤོར་བའི་མི་གྲངས་14854ཟིན་པ་དང་། དེའི་ནང་བྱིས་པ་6150དང་བུད་མེད་4000ལྷག་ཙམ་ཚུད་ཡོད། མི་ཁྲི་3.6ལྷག་ལ་རྨས་སྐྱོན་ཕོག་ཡོཔ་དང་། དེའི་ནང་75%ཡན་ནི་བྱིས་པ་དང་བུད་མེད་རེད་ཅེས་བརྗོད་ཡོད།

གཞན་ཡང་ཕ་ལེ་སི་ཐན་འཕྲོད་བསྟེན་སྡེ་ཚན་གྱིས་སྤྱི་ཚེས་22ཉིན་སྤེལ་བའི་གནས་ཚུལ་ལྟར་ན། གཡོད་ཏན་གཙང་པོའི་ནུབ་ངོགས་ཀྱི་མི་225རྐྱེན་ལམ་དུ་ཤོར་ཡོད།

དབྱི་སི་རལ་སྲིད་གཞུང་ཕྱོགས་ཀྱི་གྲངས་གཞི་ལས་མངོན་པ་ལྟར་ན།དབྱི་སི་རལ་ཕྱོགས་ཀྱི་མི་1200ཙམ་རྐྱེན་ལམ་དུ་ཤོར་ཡོད་པ་རེད།

མིག་སྔའི་བར། ཐེངས་འདིའི་གདོང་ཐུག་ལས་ཕ་ལེ་སི་ཐན་དང་དབྱི་སི་རལ་ཕྱོགས་གཉིས་པོའི་མི་ཁྲི་1.62ལྷག་ཙམ་རྐྱེན་ལམ་དུ་ཤོར་ཡོད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

ཞུ་དག བསྟན་འཛིན།

ཡིག་སྒྱུར། བྱམས་མཚོ།