འདི་ག་ལས་ཁུངས་ནས་སྤེལ་བའི་གནས་ཚུལ། རེས་སྐོར་གསུམ་པའི་ཁག་དང་པོའི་ཀྲུང་དབྱང་འབྱུང་ཁམས་ཁོར་ཡུག་སྲུང་སྐྱོབ་ལྟ་ཞིབ་ལས་དོན་དེ་ཟླ་11ཚེས་21ཉིན་ཁྱོན་ཡོངས་ནས་འགོ་ཚུགས་པ་རེད། ལྟ་ཞིབ་ཚོ་ཆུང་ལྔ་ཡིས་ཁག་སོ་སོར་ཧྥུ་ཅན་དང་། ཧོ་ནན། ཧའེ་ནན། ཀན་སུའུ། མཚོ་སྔོན་བཅས་ཞིང་ཆེན་ལྔ་ལ་དུས་ཡུན་ཟླ་བ་གཅིག་རིང་གི་ལྟ་ཞིབ་ལས་དོན་སྤེལ་རྒྱུ་ཡིན་པ་དང་། ལྟ་ཞིབ་ཚོ་ཆུང་གིས་གཙོ་གནད་ཐོག་ཞིང་ཆེན་རིམ་པའི་ཏང་ཨུད་དང་སྲིད་གཞུང་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་འབྱུང་ཁམས་ཤེས་དཔལ་འཛུགས་སྐྱོང་སྐོར་གྱི་ཇུས་ཐག་བཀོད་སྒྲིག་གལ་ཆེན་ལག་བསྟར་དོན་འཁྱོལ་བྱས་ཚུལ་དང་། ཞིང་ཆེན་རིམ་པའི་འབྲེལ་ཡོད་སྡེ་ཁག་གི་འབྱུང་ཁམས་ཁོར་ཡུག་སྲུང་སྐྱོབ་འགན་དཀྲི་དོན་འཁྱོལ་དང་འགན་ཁུར་བའི་གནས་ཚུལ། ས་གནས་གྲོང་ཁྱེར་རིམ་པའི་ཏང་ཨུད་དང་སྲིད་གཞུང་གི་འབྱུང་ཁམས་སྲུང་སྐྱོབ་ལས་དོན་ལ་སྐུལ་འདེད་དོན་འཁྱོལ་བྱས་ཚུལ་བཅས་ཀྱི་ཐད་ལ་ལྟ་ཞིབ་བྱ་རྒྱུ་ཡིན་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།