མོ་སེ་ཁོའི་འཇིགས་སྐུལ་འཇབ་རྒོལ་དོན་རྐྱེན་ནང་རྐྱེན་ལམ་དུ་ཤོར་བའི་མི་གྲངས་143ལ་འཕར་ཡོད་པ་རེད། ཨུ་རུ་སུའི་འཕྲོད་བསྟེན་སྡེ་ཁག་ནས་བསྡོམས་རྩིས་བརྒྱབ་པར་གཞིགས་ན། ས་གནས་དེ་གའི་དུས་ཚོད་སྤྱི་ཚེས་27ཉིན་གྱི་དགོང་མོ་བར་སླེབས་སྐབས། མོ་སེ་ཁོའི་འཇིགས་སྐུལ་འཇབ་རྒོལ་དོན་རྐྱེན་ནང་རྐྱེན་ལམ་དུ་ཤོར་བའི་མི་གྲངས་143ལ་འཕར་ཡོད་པ་རེད།
གཞན་ཡང་ཐ་སེ་གསར་འགྱུར་ཁང་གིས་ཆག་སྒོའི་སྨན་བཅོས་ལྟེ་གནས་ཀྱི་གྲངས་གཞི་དྲངས་ནས་གནས་ཚུལ་སྤེལ་བའི་ནང་བཤད་པར། སྤྱི་ཚེས་27ཉིན་གྱི་ཞོགས་པའི་བར། རྨས་སྐྱོན་ཕོག་པའི་མི་གྲངས་360བར་མང་དུ་ཕྱིན་པ་དང་། མི་འགའ་ཤས་ཀྱི་རྨས་སྐྱོན་ཚབས་ཆེན་པོ་ཡོད་པ་རེད། མིག་སྔར་ཨུ་རུ་སུའི་མྱུལ་ཞིབ་ཨུ་ཡོན་ལྷན་ཁང་གིས་རྐྱེན་ལམ་དུ་ཤོར་བའི་མི་84ཡི་ཕུང་པོ་ངོས་ཐག་ཆོད་ཡོད་པ་དང་། དེ་དག་ཁྲོད་ལོ་9ནས་16བར་གྱི་ནར་མ་སོན་པའི་མི་5ཡི་ཕུང་པོ་ཚུད་ཡོད་པ་རེད།