1. ཚི་སྣ་མང་བའི་ཟས་རིགས།

    ཆམ་པ་ཕོག་དུས་མིའི་ཕོ་རྒྱུའི་སྒུལ་ཤུགས་ཅུང་ཞན་པས་ནད་པས་གང་ཐུབ་ཀྱིས་ཚི་སྣ་མང་བའི་ཟས་རིགས་དཔེར་ན་ཇིན་ཚལ་དང་། ཀེའུ་ཚལ། ཐུང་ཧའོ་སོགས་འཛེམ་དགོས།

2. ཞག་ཚི་མང་བའི་ཟས་རིགས།

    ཆམ་པ་ཕོག་རིང་ནད་པས་ཞག་ཚི་ཉུང་བའི་ཟས་ཟ་དགོས། ཞག་ཚི་མང་བའི་ཟས་རིགས་འཇུ་དཀའ་བས་ཕོ་རྒྱུའི་ཁུར་པོ་ལྕི་རུ་འགྲོ་སྲིད།

3. ཁ་ཚ་བའི་ཟས་རིགས།

    ཆམ་པ་ཕོག་དུས་ཁ་ཚ་བའི་ཟས་རིགས་ཟ་མི་རུང་། གལ་ཏེ་ཁ་ཚའི་རིགས་བཟས་ཚེ་ཕོ་རྒྱུའི་བྱེད་ནུས་ཉམས་པ་དང་ད་དུང་ཆམ་པ་ལྕི་རུ་འགྲོ་བའམ་ཡང་ན་མིད་པ་མི་བདེ་བ་ཡོང་སྲིད།

4. ཇ་གར་པོ་དང་ཀོག་ཧྥེ་གར་པོ།

     ཇ་གར་པོ་དང་ཀོག་ཧྥེ་གར་པོས་ཕོ་རྒྱུ་མི་བདེ་བ་ཆགས་པ་དང་། ད་དུང་ཇ་གར་པོའི་ནང་གི་རོའུ་སྐྱུར་གྱིས་སྨན་ནུས་ཉམས་སྲིད། དེར་བརྟེན། ཆམ་པ་ཕོག་ནས་ཚ་བ་རྒྱས་སྐབས་ཆུ་དྲོད་འཇམ་མང་ཙམ་འཐུང་དགོས།

5. ཐ་མག་དང་ཆང་རག

     ཐ་མག་འཐེན་ན་དབུགས་ལམ་ལ་གནོད་ཆེ་བས་མིད་པ་ན་བ་དང་གློ་ལུ་བ་སོགས་མི་བདེ་བའི་སྣང་ཚུལ་ཐོན་སྲིད། ཆང་རག་གིས་གྲེ་བའི་འབྱར་སྐྱིར་གནོད་ནས་མིད་པ་ཇེ་སྡུག་ཏུ་འགྲོ་སྲིད། ཆང་རག་བཏུངས་ན་ད་དུང་སྨན་ལོག་རྒྱག་པའི་ཉེན་ཁ་ཡང་ཡོད།