▶དབྱིན་ཇིས་ཡུག་རེན་ལ་སྐོར་ཞིབ་འཕུར་མདེལ་མཁོ་འདོན་བྱ་རྒྱུའི་་་
དབྱིན་ཇིས་ཡུག་རེན་ལ་སྐོར་ཞིབ་འཕུར་མདེལ་མཁོ་འདོན་བྱ་རྒྱུའི་ཐག་བཅད་པར་ཨུ་རུ་སུའི་ཕྱི་འབྲེལ་པུས་གསལ་བསྒྲགས་སྤེལ།
སྤྱི་ཚེས་12ཉིན། ཨུ་རུ་སུའི་ཕྱི་འབྲེལ་པུས་དབྱིན་ཇིས་ཡུག་རེན་ལ“རླུང་འཚུབ་ཀྱི་གྲིབ་མ”ཞེས་འབོད་པའི་སྐོར་ཞིབ་འཕུར་མདེལ་མ་ལག་མཁོ་འདོན་བྱ་རྒྱུ་ཐག་བཅད་པའི་ཐད་གསལ་བསྒྲགས་སྤེལ་ཡོད།
གསལ་བསྒྲགས་ནང་། ཨུ་རུ་སུ་ཕྱོགས་ཀྱིས་བྱ་སྤྱོད་དེ་ནི་དབྱིན་ཇི་ཕྱོགས་ཀྱིས་ཡང་བསྐྱར་དགྲར་འཛིན་བྱ་སྤྱོད་ལག་ལེན་བསྟར་བ་ཞིག་ཡིན་པ་དང་། དེའི་དམིགས་ཡུལ་ནི་ཡུག་རེན་ལ་མཚོན་ཆ་སྐྱེལ་ཤུགས་ཆེ་རུ་གཏོང་ཆེད་ཡིན་པ་དང་། དེས་དམིགས་བསལ་དམག་དོན་བྱ་སྤྱོད་སྤེལ་ཁུལ་གྱི་དུས་བབ་ཇེ་སྡུག་ཏུ་འགྲོ་རྒྱུ་རེད་ཅེས་དང་། ཅི་ཧྥུའུ་སྲིད་དབང་ལ་རྒྱང་རིང་གི་ཞིབ་ཚད་མཐོ་བའི་འཕུར་མདེལ་མ་ལག་མཁོ་འདོན་བྱས་པ་དེས་དབྱིན་ཇི་ཡུག་རེན་གྱི་གདོང་ཐུག་ནང་ཐེ་ཞུགས་བྱེད་ཚད་སྔ་ན་མེད་པའི་ཚད་གཞིར་སླེབས་པ་ར་སྤྲོད་བྱས་ཡོད་ཅེས་བསྟན་ཡོད།
གསལ་བསྒྲགས་ནང་། དབྱིན་ཇིས་ས་བབ་ཆབ་སྲིད་ལག་རྩེད་དུ་བརྩི་བ་མ་ཟད། ཡུག་རེན་གྱི་གནད་དོན་སྤྱད་དེ་རང་ཉིད་བྱང་ཆིངས་སྒྲིག་འཛུགས་ཀྱི“དངོས་གཞི་མིན་པའི་འགོ་ཁྲིད་”དང་ཨུ་རུ་སུའི་འགྲན་ཡ་ཞིག་ཏུ་འགྱུར་བར་བྱེད་བཞིན་ཡོད། དབྱིན་ཇིས་མཚམས་ཐིག་ཡོད་ཚད་ལས་བརྒལ་ཏེ་གདོང་ཐུག་གི་གཏོར་བཤིག་རང་བཞིན་དང་མི་ཤི་རྨས་ཤོར་བའི་ཚད་གསར་པ་ཞིག་ཏུ་སླེབས་པར་འདོད་པ་ནི་གསལ་པོ་རེད་ཅེས་བསྟན་ཡོད།
གསལ་བསྒྲགས་ནང་ཨུ་རུ་སུས་དགོས་ངེས་ཀྱི་བྱ་ཐབས་ཡོད་ཚད་སྤྱོད་པའི་དབང་ཆ་སོར་འཇོག་བྱས་ནས་ཡུག་རེན་གྱིས་དབྱིན་ཇིའི་སྐོར་ཞིབ་འཕུར་མདེལ་སྤྱད་རྗེས་ཐོན་སྲིད་པའི་ཉེན་ཁ་སེལ་རྒྱུ་ཡིན་ཞེས་བསྟན་ཡོད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག བསྟན་འཛིན།
སྒྲིག་སྒྱུར། རིག་འཛིན་སྐྱིད།
原文来源:央视新闻
审稿:旦增
翻译:仁增吉
编辑&制作:娜科