ས་གནས་དེ་གའི་དུས་ཚོད་སྤྱི་ཟླ་5ཚེས་9ཉིན། ཁོང་ཀོ（ཅིན）ནན་ཅི་ཝུའུ་མངའ་སྡེའི་ཁ་ལའེ་ཧའེ་ས་ཁུལ་གྱི་དཔོན་རིགས་ཀྱིས། ཉེ་དུས་ཆུ་ལོག་གི་གནོད་འཚེ་ཐོན་ནས་རྒྱལ་ཁབ་དེའི་མི་411རྐྱེན་ལམ་དུ་ཤོར་བ་དང་ཉུང་མཐར་ཡང་མི་5525གར་སོང་ཆ་མེད་དུ་གྱུར་ཡོད་ཅེས་བཤད་འདུག

    ཉེ་ཆར། ཁོང་ཀོ（ཅིན）ཤར་རྒྱུད་ཀྱི་ནན་ཅི་ཝུའུ་མངའ་སྡེ་རུ་བསྟུད་མར་དྲག་ཆར་བབས་ནས་ཆུ་ལོག་དང་རི་ཉིལ་བའི་གནོད་འཚེ་ཐོན་པ་དང་། ཅི་ཝུའུ་མཚེའུ་ཡི་ནུབ་ངོགས་དང་ཐག་ཉེ་བའི་ཁ་ལའེ་ཧའེ་ས་ཁུལ་དུ་སྤྱི་ཟླ་5ཚེས་4ཉིན་གཙང་པོའི་རགས་ཁ་ཤོར་བས། གནོད་འཚེ་ཕོག་ཚབས་ཆེ་ཤོས་ཡིན་པ་རེད།  

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན། 

ཞུ་དག སྐལ་བཟང་བདེ་སྐྱིད།

སྒྲིག་སྒྱུར། ལྷ་སྟག་མཚོ།