ཁོང་ཚོས་རང་རྩལ་ལ་བརྟེན་ནས་དུས་ཆེན་ལ་རྟེན་འབྲེལ་ཞུས།
བོད་ལྗོངས་ནག་ཆུ་གྲོང་ཁྱེར་ཤན་རྩ་རྫོང་སྨད་པ་ཤང་ལུག་ཁྱུ་གྲོང་ཚོར་ལག་ཐོགས་ཁ་པར་གྱི་པར་རྒྱག་དང་བརྙན་ཐུང་པར་ལེན། ཕུལ་བྱུང་སྲོལ་རྒྱུན་གླུ་གཞས། དེ་བཞིན་འགྱུར་ལྡོག་གླེང་བ་དང་འཕེལ་རྒྱས་ཤོད་པ། གཏམ་རྒྱུད་ཤོད་པ། རིགས་གཞུང་སྒྲོག་འགྲེལ། སྤྱི་སྤྱོད་སྐད་ཡིག་ལམ་ནས་གཏམ་བཤད་སྤེལ་བ། ཡིག་གཟུགས་འབྲི་བ། མ་བྱན་གྱི་ལག་རྩལ་ངོམས་པ་སོགས་སྣ་མང་ཕུན་སུམ་ཚོགས་ལ་དོན་སྙིང་ལྡན་པའི་འགྲན་བསྡུར་སྣ་ཚོགས་དུས་ཡུན་ཟླ་ཕྱེད་ཙམ་སྤེལ་ཡོད་ཅིང་འགྲན་ཞུགས་པ་ཚང་མ་ཞིང་འབྲོག་མང་ཚོགས་ཤ་སྟག་ཡིན་པ་རེད།
འབྲོག་པ་སྐལ་བཟང་བཀྲ་ཤིས་ཀྱིས་གསར་འགོད་པར། རྩལ་ནུས་དེ་དག་ནི་ནག་ཆུ་གྲོང་ཁྱེར་གྱིས་གྲོང་གསེབ་དར་རྒྱས་གཏོང་། ནག་ཆུས་མདུན་སྐྱོད་བྱེད་ཅེས་པ་ལག་བསྟར་བྱས་པ་ལས་བྱུང་བ་ཞིག་རེད། བྱེད་སྒོ་དེ་ལག་ལེན་བསྟར་ནས་ལོ་གསུམ་སོང་ཚུན། ལུག་ཁྱུ་གྲོང་ཚོའི་མི་ཐེངས་43ལ་དེ་མཚུངས་ཀྱི་རྩལ་ནུས་གསོ་སྦྱོང་བྱས་པ་དང་། མི་13ལས་ཞུགས་བརྟན་པོ་བྱུང་ནས་ཁྱིམ་ཚང་གི་མི་རེའི་ཆ་སྙོམས་ཡོང་འབབ་སྒོར་6000འཕར་ཡོད་ཅེས་བརྗོད་ཀྱི་འདུག
འདི་ལོ་ནི་བོད་ལྗོངས་སུ་དམངས་གཙོའི་བཅོས་སྒྱུར་བྱས་ནས་ལོ་65འཁོར་བའི་ལོ་ཞིག་ཡིན་ཞིང་། ལོ་ངོ་65སོང་ཚུན་དང་ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བོད་ལྗོངས་ཀྱི་དཔལ་འབྱོར་སྤྱི་ཚོགས་ཁྱོན་ཡོངས་ནས་འཕེལ་རྒྱས་མྱུར་པོ་བྱུང་ནས་མི་དམངས་མང་ཚོགས་ཀྱི་འཚོ་བའི་ཆུ་ཚད་དང་སྤུས་ཚད་མངོན་གསལ་དོད་པོས་མཐོ་རུ་ཕྱིན་ཡོད། སྤྱི་ལོ་2023ལོར་སྨད་པ་ཤང་ལུག་ཁྱུ་གྲོང་ཚོའི་ཞིང་འབྲོག་པ་མང་ཚོགས་ཀྱི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་16805.1ཟིན་པ་དེ་དུས་མཚུངས་ལས་14%འཕར་ཡོད་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།