དུས་ཚིགས་དང་པོར། ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་པ་དང་། དེའི་ཁྲོད། གྲོང་ཁྱེར་དང་གྲོང་རྡལ་གྱི་ཡུལ་མིའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་12803ཟིན་པ་དང་། དུས་མཚུངས་ལས་6.7%འཕར་ནས་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་པ།  གྲོང་གསེབ་ཀྱི་ཡུལ་མིའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་2764ཟིན་ནས་དུས་མཚུངས་ལས་9.3%འཕར་བ་དང་། འཕར་ཚད་རྒྱལ་ཡོངས་ཀྱི་ཨང་གཉིས་པར་སླེབས་ཡོད། 

དུས་ཚིགས་དང་པོར། གཏན་འཇགས་རྒྱུ་ནོར་ལ་མ་འཇོག་བྱེད་ཚད་དུས་མཚུངས་དང་བསྡུར་ན་37.7%འཕར་བ་དང་། ཕྱིར་གཏོང་ནང་འདྲེན་གྱི་སྤྱི་འབོར་སྒོར་དུང་ཕྱུར་21.8ཟིན་པ་དེ་དུས་མཚུངས་དང་བསྡུར་ན་216.7%འཕར་ནས་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་ཡོད། 

དུས་ཚིགས་དང་པོར། གཞི་ཁྱོན་ཡན་གྱི་བཟོ་ལས་རིན་ཐང་འཕར་མ་དུས་མཚུངས་ལས་12.1%འཕར་ནས་འཕར་ཚད་ཟླ་བ་དང་པོ་གཉིས་པ་དང་བསྡུར་ན་བརྒྱ་ཆའི་གནས་6.3གྱིས་མགྱོགས་པ་དང་། སྤྱི་ཟླ་3པར་20.9%འཕར་སྣོན་བྱུང་བ། དམངས་ཁྲོད་མ་འཇོག་15%འཕར་ནས་འཕར་ཚད་རྒྱལ་ཡོངས་ཀྱི་ཨང་གཉིས་པ་སླེབས་འདུག 

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།

ཞུ་དག  ཚེ་རིང་ཕུན་ཚོགས། མིག་དམར་རྒྱ་མཚོ། 

གསར་འགོད་པ། བསྟན་པ་ཚེ་རིང་།