གཏན་འབེབས་འདིར་གཞིགས་ན། ལོ་བཅུ་གཉིས་ལ་སོན་ཞིང་ལོ་བཅུ་བཞི་མ་ལོན་པའི་ནར་མ་སོན་པའི་མིའི་ཉེས་དོན་འགན་འཁྲི་བདའ་འདེད་གཏོང་བར་གཤམ་གསལ་གྱི་ཆ་རྐྱེན་དང་འཚམ་དགོས་པ་སྟེ།

（གཅིག）རྐང་བཙུགས་ནས་མི་བསད་པ་དང་རྐང་བཙུགས་ནས་མི་གཞན་ལ་གནོད་འཚེ་བཏང་བའི་བྱས་ཉེས་བསགས་པ།

（གཉིས）དོན་དངོས་ཐོག་མི་ཤི་བའམ་གདུག་རྩུབ་ཧ་ཅང་ཆེ་བའི་བྱེད་ཐབས་ལ་བརྟེན་ནས་མི་ལ་རྨས་སྐྱོན་ཚབས་ཆེན་བཟོས་ཏེ་དབང་པོ་སྐྱོན་ཅན་ཚབས་ཆེན་བཟོས་པ་སོགས་ཀྱི་མཇུག་འབྲས་བཟོས་པ།

（གསུམ）བྱ་སྤྱོད་དང་བྱ་སྤྱོད་སྤེལ་མཁན་ལ་ནང་རྐྱེན་དང་ཕྱི་རྐྱེན་ཟུང་དུ་འབྲེལ་བའི་འདྲི་གཅོད་བྱས་རྗེས་ཉེས་ཚབས་ཆེན་པོའི་ཚད་ལ་སླེབས་པ།

（བཞི）གོ་རིམ་ཐད་གྱོད་གཞི་འབྱུང་ཡུལ་གྱི་ཞིབ་དཔྱོད་ལས་ཁུངས་ཀྱིས་རིམ་པ་བཞིན་ཆེས་མཐོའི་མི་དམངས་ཞིབ་དཔྱོད་ཁང་ལ་སྙན་སེང་ཞུས་པ་དང་། ཆེས་མཐོའི་མི་དམངས་ཞིབ་དཔྱོད་ཁང་གིས་ཁྲིམས་སྦྱོར་བདའ་འདེད་གཏོང་བའི་ཆོག་མཆན་བཀོད་རྗེས་ཉེས་དོན་ཁྲིམས་སྦྱོར་བདའ་འདེད་ཀྱི་གོ་རིམ་བརྒྱུད་དགོས་པ་མ་ཟད། མཐར་མི་དམངས་ཁྲིམས་ཁང་གིས་ཁྲིམས་གཅོད་གཏོང་དགོས་པ་བཅས་ཡིན།