ཕ་ལི་སེ་ཐན་གྱིས་ཀ་ཧྲ་ས་ཁུལ་གྱི་ས་ཆ་མང་པོར་དབྱི་སེ་རལ་དམག་གི་འཇབ་རྒོལ་ཕོགས་ཡོད་ཅེས་བསྟན་ཡོད། དབྱི་སེ་རལ་གྱིས། དབྱི་སེ་རལ་དམག་གིས་ལ་ཧྥར་ས་ཐོག་དམག་དོན་བྱ་སྤྱོད་སྤེལ་རྒྱུའི་འཆར་གཞི་ནར་འགྱངས་བྱས་ཡོད་ཅེས་བསྟན་པ།
2024-04-17 10:54:00 责编：娜科
འདི་ག་ལས་ཁུངས་ནས་སྤེལ་བའི་གནས་ཚུལ། ཕ་ལི་སེ་ཐན་སྨྱན་སྦྱོར་གྱིས་གནས་ཚུལ་སྤེལ་བར་གཞིགས་ན། ཀ་ཧྲ་ས་ཁུལ་གྱི་ས་ཆ་མང་པོར་ཚེས་16ཉིན་དབྱི་སེ་རལ་དམག་གི་འཇབ་རྒོལ་ཕོག་པ་དང་། དེའི་ཁྲོད་ལ་ཧྥ་གྲོང་ཁྱེར་ཉེ་འགྲམ་གྱི་སྡོད་ཁང་ཞིག་ལ་དབྱི་སེ་རལ་དམག་གི་དམག་འཐབ་གནམ་གྲུའི་འཇབ་རྒོལ་ཕོགས་ནས། མི་4རྐྱེན་ལམ་དུ་བཏང་ཡོད་པ་རེད། དབྱི་སེ་རལ་གྱི་ཆ་འཕྲིན་མི་སྣས། དབྱི་སེ་རལ་དམག་གིས་གཟའ་འཁོར་འདི་ནས་བཟུང་ལ་ཧྥར་ས་ཐོག་དམག་དོན་བྱ་སྤྱོད་སྤེལ་རྒྱུའི་འཆར་གཞི་ནར་འགྱངས་བྱས་ཡོད་ཅེས་བསྟན་ཡོད་པ་རེད།
