ཨུ་རུ་སུས་མོ་སི་ཁོའི་མངའ་སྡེའི་རོལ་དབྱངས་ཚོམས་ཆེན་གྱི་འཇིགས་སྐུལ་འཇབ་རྒོལ་དོན་རྐྱེན་དེ་ཡུག་རེན་གྱིས་ཇུས་འགོད་བྱས་པ་ཞིག་རེད་ཅེས་བརྗོད་པ།
ཟླ་3ཚེས་31ཉིན་ཨུ་རུ་སུའི་ཕྱི་འབྲེལ་པུས་བརྟག་དཔྱད་བྱས་པ་བརྒྱུད། མོ་སི་ཁོའི་རོལ་དབྱངས་ཚོམས་ཆེན་གྱི་འཇིགས་སྐུལ་འཇབ་རྒོལ་དོན་རྐྱེན་ནི་ཡུག་རེན་སྲིད་གཞུང་གིས་ཇུས་འགོད་བྱས་པ་ཞིག་ཡིན་པ་ཤེས་རྟོགས་བྱུང་བ་དང་དེའི་གོང་ཡུག་རེན་སྲིད་གཞུང་གིས་ཁེ་ལི་མི་ཡའི་ཟམ་ཆེན་འབར་གས་དང་ཧྲེང་པི་ཏེ་པའོ་ཝ་ཞི་གླིང་ཕྲན་གྱི་ཀོག་ཧྥེ་ཁང་གི་འབར་གས་ཚུད་པའི་འཇིགས་སྐུལ་གྱི་བྱེད་སྒོ་མང་པོ་ཞིག་ཇུས་འགོད་བྱས་ཡོད་ཅེས་བཤད་པ་རེད། ཨུ་རུ་སུས་ཡུག་རེན་སྲིད་གཞུང་གིས་འཇིགས་སྐུལ་བྱེད་སྤྱོད་ལ་རྒྱབ་སྐྱོར་བྱེད་མཚམས་འཕྲལ་མར་འཇོག་དགོས་པ་མ་ཟད། འཇིགས་སྐུལ་བྱ་སྤྱོད་ཁྲོད་གནོད་འཚེ་ཕོག་མཁན་ལ་གྱོང་གུན་བཟོས་པར་སྐྱིན་ཚབ་འཇལ་དགོས་པའི་བླང་བྱ་བཏོན་ཡོད། ཉིན་དེར་ཡུག་རེན་རྒྱལ་ཁབ་བདེ་འཇགས་ཅུས་ཀྱིས་གསལ་བསྒྲགས་སྤེལ་ནས། ཨུ་རུ་སུའི་ཕྱི་འབྲེལ་པུས་ཡུག་རེན་མོ་སི་ཁོའི་རོལ་དབྱངས་ཚོམས་ཆེན་གྱི་འཇིགས་སྐུལ་འཇབ་རྒོལ་དོན་རྐྱེན་ནང་ཞུགས་པར་དཔང་རྟགས་གང་ཡང་མཁོ་འདོན་བྱ་རྒྱུ་མེད་ཅེས་བཤད་པ་རེད།