ལོ་འདི་ཤར་ཚུན། རང་རྒྱལ་དུ་ཆ་སྙོམས་ཆར་ཆུ་འབབ་ཚད་ཧའོ་སྨི་61ཟིན་ནས་རྒྱུན་གཏན་གྱི་དུས་མཚུངས་པ་དང་ཉེ་པོ་ཡོད། འོན་ཀྱང་ཀྲུའུ་ཅང་གཙང་པོའི་འབབ་རྒྱུད་ཀྱི་ནུབ་བྱང་ཤར་གསུམ་འབབ་ས་དང་དེ་བཞིན་འབྲི་ཆུའི་འབབ་རྒྱུད་ཀྱི་དབུས་སྨད་རྒྱུད་སོགས་གཙང་པོ་དང་ཆུ་བོ་གཙོ་གྲས་ཀྱི་ཆུ་ཁ་རྒྱས་ཚད་ལོ་འཁོར་མོའི་དུས་མཚུངས་པ་ལས་བཅུ་ཆ་གཉིས་ནས་དྲུག་བར་ཉུང་བ་ཡོད། ཆུ་བེད་པུའི་ཐན་ཞོད་གནོད་སེལ་འགོག་སྲུང་སིའི་ལག་རྩལ་ཆ་འཕྲིན་ཁང་གི་རིམ་གསུམ་བརྟག་ཞིབ་པ་ཧུའོ་ཁྲོན་ལུའུ་ཡིས། སྔོན་དཔག་བྱས་པར་གཞིགས་ན། ད་ལོའི་འབྲུབ་ཆུ་རྒྱས་དུས་སུ་རང་རྒྱལ་གྱི་ཐན་ཞོད་མཉམ་ཐོན་ཡིན་པ་དང་། ཞོད་སྐྱོན་དེ་ཐན་སྐྱོན་ལས་ཚབས་ཆེ་བ་ཡོད། རྒྱལ་ཡོངས་ཀྱི་གཙང་པོ་དང་ཆུ་བོ་ཆེན་པོ་བདུན་ཚང་མར་ཚད་གཞི་མི་འདྲ་བའི་དྲག་ཆར་འབབ་ནས་ཆུ་ཁ་རྒྱས་བཟོ་ཡོད་པ་དང་། ས་ཁུལ་འགའ་ཤས་སུ་དུས་རིམ་རང་བཞིན་གྱི་ཐན་པ་བསྟན་བཟོ་ཡོད་ཅེས་གསུངས་པ་རེད།

ད་ལོའི་འབྲུབ་ཆུ་རྒྱས་དུས་ཀྱི་གནས་བབ་ལ་དམིགས་ཏེ། ཆུ་བེད་པུས་འབྲུབ་འགོག་གྲ་སྒྲིག་དང་འབྲུབ་ཆུ་རྒྱས་དུས་ཁ་གཏད་གཅོག་པ། འགོག་སྲུང་རྨང་གཞིའི་ལས་དོན་སོགས་ཀྱི་ཐད་བླང་བྱ་ཁ་གསལ་བཏོན་ཡོད་པ་མ་ཟད། ཟླ་4ཚེས་1ཉིན་ནས་བཟུང་ཆུ་ཚོད་24ཡི་རིང་འབྲུབ་འགོག་ལས་རེས་ལས་སྲུང་ལག་ལེན་བསྟར་རྒྱུ་ཡིན་པ་རེད།