འདི་ག་ལས་ཁུངས་ནས་སྤེལ་བའི་གནས་ཚུལ། ཡོ་རོབ་མནའ་འབྲེལ་གྱི་ཞིང་ལས་སྲིད་ཇུས་ཀྱིས་ས་གནས་དེ་གའི་ཞིང་ལས་ཐོན་སྐྱེད་ཀྱི་མ་གནས་མཐོ་རུ་ཕྱིན་པ་དང་དེ་བཞིན་ཡུག་རེན་གྱི་ཞིང་ལས་ཐོན་རྫས་ཟམ་མི་ཆད་པར་མང་དུ་ཕྱིན་པ་སོགས་ལ་མི་འདོད་པའི་པའི་རྐྱེན་གྱིས། ས་གནས་དེ་གའི་དུས་ཚོད་ཚེས་22ཉིན། ཅེ་ཁེའི་ཞིང་པ་སྟོང་ཕྲག་ཁ་ཤས་ཀྱིས་རྒྱལ་ཡོངས་ཀྱི་ས་ཆ་མང་པོར་རྒོལ་གཏམ་གཏོང་བའི་བྱེད་སྒོ་སྤེལ་བ་སྟེ། ཞིང་པ་ཁག་གཅིག་གིས་ཞིང་སྤྱོད་འཕྲུལ་ཆས་3000ཙམ་བཏང་ནས་སི་ལོ་ཝ་ཁེ་དང་། ཕོ་ལན། འཇར་མན་བཅས་ཀྱི་མཐའ་མཚམས་སུ་བསྐྱོད་པ་དང་། ཞིང་པ་གཞན་དག་ཁག་གཅིག་གྲོང་ཁྱེར་ལྟེ་གནས་སུ་བསྐྱོད་ཡོད་པ་རེད། སི་ལོ་ཝ་ཁེ་ཡའི་ཞིང་པ་4000ཙམ་གྱིས་རྒྱལ་ཁབ་དེའི་ས་ཆ་མང་པོར་རྒོལ་གཏམ་གཏོང་བའི་བྱེད་སྒོ་སྤེལ་བ་རེད། འདི་ནི་རྒྱལ་ཁབ་དེའི་ལོ་རྒྱུས་ཐོག་གཞི་ཁྱོན་ཆེ་ཤོས་ཀྱི་རྒོལ་གཏམ་གཏོང་བའི་བྱེད་སྒོ་ཞིག་རེད།