དབྱི་སི་རལ་དམག་གིས་ཀ་ཧྲ་ས་རྒྱུད་ཀྱི་དབུས་རྒྱུད་དང་ལྷོ་རྒྱུད་དུ་འབར་མདེལ་འབོར་ཆེན་དབྱུག་པས་ཉུང་མཐར་ཡང་མི་51རྐྱེན་ལམ་དུ་བཏང་ཡོད་པ།
མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས་20ཉིན་ཨར་ཅི་རི་ཡས་བཏོན་པའི་ཀ་ཧྲ་ཡི་དུས་བབ་ཀྱི་གྲོས་ཆོད་གསར་པའི་འཆར་ཟིན་སྐོར་ལ་བརྡས་ཐག་གཅོད་སྐབས་རྒྱུན་ལས་ལས་འཛིན་རྒྱལ་ཁབ་སྟེ་ཨ་རིའི་མོས་མཐུན་ཐོབ་མེད་པ་རེད། ཨར་ཅི་རི་ཡས་བཏོན་པའི་གྲོས་ཆོད་འཆར་ཟིན་ནང་། ཕྱོགས་ཁག་གིས་འཕྲལ་དུ་མི་ཆོས་རིང་ལུགས་ཀྱི་དམག་མཚམས་འཇོག་རྒྱུའི་རེ་བ་བཏོན་ཡོད། གཞན་ཡང་། གྲོས་ཆོད་འཆར་ཟིན་ནང་གཏའ་མར་བཞག་པའི་མི་སྣ་གློད་དཀྲོལ་གཏོང་དགོས་པ་དང་། ལྷོ་ཨ་ཧྥི་རི་ཁ་ཡིས་རྒྱལ་སྤྱིའི་ཁྲིམས་ཁང་ནང་དབྱི་སི་རལ་ཐེར་འདོན་ཞུ་གཏུག་བྱ་རྒྱུའི་སྐོར་གླེང་བ། རྒྱལ་སྤྱིའི་བཅའ་ཁྲིམས་ལས་བརྒལ་བའི་བྱ་སྤྱོད་ལ་ངེས་པར་དུ་འགན་འཁྲི་བདའ་འདེད་གཏོང་དགོས་པའི་ནན་བཤད་བྱེད་དགོས་པའི་རེ་བ་བཏོན་ཡོད། རྒྱལ་ཁབ་མང་པོས། ཨ་རིས་མོས་མཐུན་མ་བྱས་པའི་དབང་གིས་བདེ་འཇགས་ལས་འཛིན་ལྷན་ཚོགས་ཀྱིས་སླར་ཡང་ཀ་ཧྲ་དང་འབྲེལ་ཡོད་ཀྱི་གྲོས་ཆོད་ལ་གྲོས་འཆམ་མ་བྱུར་བར་ཕམ་སེམས་སྐྱེས་ཡོད་པ་རེད།