རྒྱང་སྒྲོག་ལོ་སར་སྤྲོ་ཚོགས་ཆེན་མོ༼འབྲུག་གཡང་ནོར་བུའི་མཆོད་བསྟོད།༽
ཀན་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས་ཀྱི་རྒྱང་སྒྲོག་ལོ་སར་སྤྲོ་ཚོགས་ཆེན་མོ་༼ འབྲུག་གཡང་ནོར་བུའི་མཆོད་བསྟོད། ༽ ཅེས་པར་ནང་དོན་དང་རྣམ་པ་ཅི་རིགས་ཀྱི་ཐད་ལ། སྒྱུ་རྩལ་གྱི་རིན་ཐང་འབུར་དུ་ཐོན་པ་དང་། ལྷག་པར་དུ་ལོ་ངོ་དུ་མའི་རིང་ལ་ཀན་ལྷོ་རྒྱང་སྒྲོག་བརྙན་འཕྲིན་ཁང་གིས་མདོ་སྨད་ས་ཆའི་དམངས་སྲོལ་གླུ་གར་བསྡུ་སྒྲིག་དང་། དེ་ལ་དེང་རབས་རོལ་མོའི་རམ་འདེགས་སོགས་གང་ལེགས་བཟོས་ཏེ། བོད་འབྲེལ་ས་ཁུལ་གྱི་རྒྱང་སྒྲོག་རིག་རྩལ་ལས་རིགས་ལ་ལག་རྗེས་གང་འཚམས་བཞག་དང་འཇོག་གིན་འདུག ད་ལོ་ཡང་ཆེད་དུ་གསར་རྩོམ་བྱས་པའི་ལོ་སར་བརྗོད་དོན་གླུ་གཞས་ལོ་གཡང་བཀྲ་ཤིས་དགའ་སྟོན་དང་། གེ་སར་མཆོད་བསྟོད། བདེ་སྐྱིད་གཡང་ཆགས། སྣང་ས་འོད་འབུམ་གྱི་རྣམ་ཐར་འཁྲབ་ཚན་གསར་བཟོ་སོགས་ལོ་སར་གྱི་རིག་རྩལ་ལེ་ཚན་གྱ་ནོམ་པ་ཞིག་བཀོད་སྒྲིག་བྱས་ཡོད་པས། རྒྱ་ཆེ་བའི་གསན་མཁན་གྲོགས་པོ་ཚོའི་སེམས་ཀྱི་བདུད་རྩི་རུ་འགྱུར་བར་ཤོག
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
གསར་འགོད་པ། རྡོ་ཐར།