ཨ་སྒོར་ཁྲི་200ནས་400བར་གྱི་ལྷམ་འདི་ནི་ཧབ་འཚོང་ལོ་རྒྱུས་ཐོག་གི་་་
ཨ་རིའི་ཉིའུ་ཡུའེ་སུའུ་ཧྥུའུ་པི་ཧབ་འཚོང་ཁང་དུ་ཨ་རིའི་སྤོ་ལོའི་ལུས་རྩལ་པ་གྲགས་ཅན་མའེ་ཁོར་ཇོ་ཏན་གྱི་ལྷམ་ཆ་ཞིག་ཧབ་འཚོང་བྱེད་བཞིན་ཡོད། ལྷམ་དེ་ནི་དམར་ནག་འདྲེས་མ་ཞིག་ཡིན་ཞིང་ཉར་ཚགས་ཡག་པོ་བྱས་ཡོད་ཅིང་། ད་དུང་ལྷམ་ངོར་ཇོ་ཏན་རང་ཉིད་ཀྱིས་མིང་བྲིས་ཡོད།
1998ལོར། ཇོ་ཏན་གྱིས་ཁོའི་ཆེས་མཐའ་མའི་ཨ་རིའི་མཉམ་འབྲེལ་འགྲན་བསྡུར་གྱི་ཐེངས་གཉིས་པའི་འགྲན་བསྡུར་ཁྲོད་དུ་ལྷམ་འདི་གྱོན་པ་དང་མཇུག་མཐར་རྒྱལ་ཁ་ཐོབ་པ་རེད། སུའུ་ཧྥུའུ་པི་ཡིས་ཚོད་དཔག་བྱས་པ་ལྟར་ན། འདི་ནི་ལོ་རྒྱུས་ཐོག་ཏུ་རྩལ་ལྷམ་གོང་ཆེ་ཤོས་སུ་འགྱུར་ངེས་ཡིན་ཞིང་། སྔོན་དཔག་བྱས་ན་རིན་གོང་ཨ་སྒོར་ཁྲི200ནས400བར་ཡིན། ཧབ་འཚོང་གི་དུས་བཅད་ཉིན་མོ་ནི་ཟླ་4ཚེས་11ཉིན་བར་ཡིན།