ཚོགས་ཞུགས་སྐུ་མགྲོན་གྱིས།  དམངས་གཙོ་ནི་མིའི་རིགས་ཧྲིལ་པོའི་ཐུན་མོང་གི་རིན་ཐང་ཡིན་པ་དང་། དེའི་དམིགས་ཡུལ་ནི་མིའི་རིགས་ཧྲིལ་པོའི་བདེ་སྐྱིད་འགན་ལེན་དང་ཆེ་རུ་གཏོང་རྒྱུ་དེ་ཡིན་པའི་ངོས་འཛིན་བྱས་ཡོད། རྒྱ་ཆེའི་གོང་འཕེལ་འགྲོ་བཞིན་པའི་རྒྱལ་ཁབ་ཀྱིས་དམངས་གཙོ་དོན་གཉེར་དང་།　དམངས་གཙོ་གོང་འཕེལ།  དམངས་གཙོ་མངོན་འགྱུར་བཅས་བྱེད་པའི་འཚོལ་ཞིབ་ལ་བརྩི་འཇོག་གང་ལེགས་བྱེད་པ་དང་། རྒྱལ་ཁབ་ཁག་གི་མི་དམངས་ནས་རང་བདག་ངང་གོང་འཕེལ་གྱི་འགྲོ་ལམ་གདམ་ག་བྱེད་པའི་དབང་ཆར་བརྩི་འཇོག་བྱེད་པ།　དམངས་གཙོའི་མིང་གི་ཐོག་ནས་རྒྱལ་སྤྱིའི་སྤྱི་ཚོགས་ལ་ཁ་ཕྲལ་བཟོ་བ་དང་།  ཕྱོགས་རིས་སྤེལ་བ། ཞི་བདེར་གཏོར་བཤིག་གཏོང་བ་བཅས་ཀྱི་བྱ་སྤྱོད་ལ་ངོ་རྒོལ་བྱེད་དགོས་པ།  ཕན་ཚུན་བརྩི་འཇོག་དང་། དྲང་གཞག་དྲང་བདེན། མཉམ་ལས་མཉམ་རྒྱལ་བཅས་ཀྱི་རྒྱལ་སྤྱིའི་འབྲེལ་བ་གསར་པ་འཛུགས་རྒྱུར་སྐུལ་འདེད་བཏང་ནས། མིའི་རིགས་ཀྱི་མཛེས་སྡུག་ལྡན་པའི་འབྱུང་འགྱུར་དང་འབྲེལ་བ་ཡོད་པའི་མིའི་རིགས་ཀྱི་ལས་དབང་གཅིག་མཐུན་ཚོགས་པ་གཏོད་དགོས་པའི་ངོས་འཛིན་བྱས་ཡོད།

གླེང་སྟེགས་དེ་ཀྲུང་གུང་ཀྲུང་དབྱང་དྲིལ་བསྒྲགས་པུའུ་དང་། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་གཙོ་གཉེར་བྱས་པ་དང་། ཀྲུང་གོ་སྤྱི་ཚོགས་ཚན་རིག་ཁང་དང་། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། ཀྲུང་གོ་ཕྱི་རྒྱལ་སྐད་ཡིག་ཅུད་བཅས་ཀྱིས་གཉེར་འགན་འཁུར་བ་ཞིག་ཡིན་པ་རེད།