རླངས་འཁོར་འདི་དག་མིང་ཐོ་ནག་པོར་བཅུག་འདུག
2023ལོའི་ཟླ་2ཚེས་10ཉིན། ལྷ་ས་གྲོང་ཁྱེར་བོགས་གཏོང་རླངས་འཁོར་ཚད་ཡོད་ཀུང་སིའི་GPSལས་དོན་མི་སྣས་སྐོར་ཞིབ་བྱེད་རིང་། བོད་AT0004ཡི་ལུའུ་ཆེ་གེ་མོ་དང་། བོད་AT2051ལི་ཆེ་གེ་མོ། བོད་AT1335ཡི་ཆེ་གེ་མོ་བཅས་ལ་རང་དགར་ལས་ཚབ་ནག་པོ་འཚོལ་བའི་སྣང་ཚུལ་ཡོད་པ་ཤེས་རྟོགས་བྱུང་བ་མ་ཟད། ལས་ཚབ་ནག་པོས་སྐྱེལ་འདྲེན་བྱེད་པའི་བརྒྱུད་རིམ་ནང་། འགྲུལ་པར་ཐང་ག་སོགས་པའི་ཡུལ་ཐོན་ཁྱད་རྫས་ཉོ་རུ་འཇུག་པའི་གནས་ཚུལ་ཚབས་ཆེན་ཡོད་པ་དང་བྱེད་སྟངས་མ་རབས་ཡིན་པ་རེད། ཀུང་སིའི་འབྲེལ་ཡོད་སྒྲིག་སྲོལ་ལམ་ལུགས་དང་དེ་བཞིན་ཁ་ལོ་བས་《འགན་གཙང་གན་རྒྱ་》བཞག་པའི་འབྲེལ་ཡོད་གཏན་འབེབས་གཞིར་བཟུང་། ད་ཆ་གོང་གསལ་ཁ་ལོ་བ་གསུམ་གྱི་《འགན་གཙང་གན་རྒྱ་》རྩིས་འགྲོ་མེད་པར་བཟོས་པ་དང་། མི་རེར་ཆིངས་འགལ་དངུལ་ཆད་སྒོར་10000རེ་བཏང་ཞིང་། ལྷ་ས་གྲོང་ཁྱེར་འགྲིམ་འགྲུལ་ཐོན་ལས་ཚོགས་པའི་གཉེར་སྐྱོང་རླངས་འཁོར་ཁྲོད་ཡུན་རིང་མིང་ཐོ་ནག་པོར་འཇུག་རྒྱུ་ཡིན་པ་རེད།
རྒྱ་ཆེའི་ཁ་ལོ་བས་ཕྱི་འདོམས་ཀྱི་བསླབ་བྱར་ལེན་པ་དང་། ལས་གཉེར་ཚད་ལྡན་བཟོ་བ། སྒྲིག་བཀུར་ཁྲིམས་སྲུང་བཅས་བྱས་ཏེ་གྲོང་མིར་གཉེར་སྐྱོང་ཁོར་ཡུག་བཟང་པོ་ཞིག་མཁོ་འདོན་བྱ་རྒྱུའི་རེ་བ་ཡོད།
འགྲུལ་པ་བོགས་གཏོང་རླངས་འཁོར་དུ་སྡོད་སྐབས་གནས་ཚུལ་འདི་རིགས་འཕྲད་ཚེ་ཁ་པར་0891-6522345བརྒྱབ་ནས་ཞུ་གཏུག་གནང་རོགས་ཞུ།