ཡེ་མོན་ཧུའུ་སའེ་དྲག་ཤོག་གིས་ཨ་རིའི་དམག་གྲུ་འབོར་ཆེན་དང་དེ་བཞིན་དབྱི་སི་རལ་ལྷོ་རྒྱུད་གྲོང་ཁྱེར་སོགས་དམིགས་འབེན་མང་པོར་འཇབ་རྒོལ་བྱས་ཡོད་པ་དང་། ཧུའུ་སའེ་དྲག་ཤོག་གིས་ཨ་རིའི་དམག་གི་མི་མེད་གནམ་གྲུ་གཅིག་གཏོར་ལྷུངས་བཏང་ཡོད་ཅེས་བསྟན་པ།
འདི་ག་ལས་ཁུངས་ནས་སྤེལ་བའི་གནས་ཚུལ། ཡེ་མོན་ཧུའུ་སའེ་དྲག་ཤོག་གི་མགྲིན་ཚབ་པས་ཚེས་20ཉིན་གསལ་བསྒྲགས་སྤེལ་ནས། ཧུའུ་སའེ་དྲག་ཤོག་གིས་མི་མེད་གནམ་གྲུ་མང་པོ་སྤྱད་ནས་རྒྱ་མཚོ་དམར་པོ་དང་ཨ་རབ་མཚོ་ཐོག་གི་ཨ་རིའི་དམག་གྲུ་མང་པོར་འཇབ་རྒོལ་བྱས་ཡོད་པ་དང་། ད་དུང་མི་མེད་གནམ་གྲུ་འབོར་ཆེན་སྤྱད་ནས་དབྱི་སི་རལ་ལྷོ་རྒྱུད་གྲོང་ཁྱེར་ཨེ་ལ་ཐེ་ལ་འཇབ་རྒོལ་བྱས་ཡོད་ཅེས་བརྗོད་ཡོད། གཞན་ཡང་། ཧུའུ་སའེ་དྲག་ཤོག་གིས་ད་དུང་། ཡ་ཏིང་མཚོ་ཁུག་ཉེ་འགྲམ་གྱི་དབྱི་སི་རལ་གྲུ་གཟིངས་གཅིག་ལ་འབར་མདེལ་མང་པོ་འཕེན་ནས་འཇབ་རྒོལ་བྱས་པ་ཡིན་ཞེས་བརྗོད་ཡོད། ཨ་རིའི་དཔོན་རིགས་གཅིག་གིས་ཚེས་20ཉིན་ ཧུའུ་སའེ་དྲག་ཤོག་གིས་ཡེ་མོན་ཉེ་འགྲམ་དུ་འཕུར་སྐྱོད་བྱེད་བཞིན་པའི་ཨ་རིའི་དམག་གི་མི་མེད་གནམ་གྲུ་གཅིག་གཏོར་ལྷུངས་བཏང་ཡོད་པ་ར་སྤྲོད་བྱས་ཡོད།