རྒྱ་གར་གྱི་འཚོལ་ཞིབ་ཡོ་བྱད་འདི་ཟླ་བའི་ངོས་སུ་བབས་འདུག
2023-08-26 18:40:00 责编：娜科
ས་གནས་དེ་གའི་དུས་ཚོད་ཟླ་8ཚེས་23ཉིན་རྒྱ་གར་གྱི“ཟླ་བའི་གོ་ལའི་གྲུ་གཟིངས་ཨང་3པ་རྟགས་ཅན་”འཚོལ་ཞིབ་ཡོ་བྱད་ཟླ་བའི་གོ་ལའི་ལྷོ་སྣེའི་ཕྱི་ངོས་སུ་བདེ་བླག་ངང་བབས་པ་རེད། “ཟླ་བའི་གྲུ་གཟིངས་ཨང་3པ་རྟགས་ཅན”འཚོལ་ཞིབ་ཡོ་བྱད་ཟླ་7ཚེས་14ཉིན་མཁའ་དབྱིངས་སུ་འཕེན་གཏོང་བྱས་པ་དང་། དེའི་ནང་ཟླ་བའི་གོ་ལའི་ཐང་འབབ་ཡོ་བྱད་དང་ཟླ་བའི་གོ་ལའི་འཚོལ་ཞིབ་རླངས་འཁོར་ཚུད་ཡོད།
“ཟླ་བའི་གྲུ་གཟིངས་ཨང་3པ་རྟགས་ཅན”ནི་རྒྱ་གར་གྱིས་ཟླ་བའི་གོ་ལར་སྐྱོད་པར་འཚོལ་ཞིབ་བྱེད་པའི་འཚོལ་ཞིབ་ཡོ་བྱད་ཀྱི་རྣམ་གྲངས་ཐེངས་གསུམ་པ་དེ་རེད། རྣམ་གྲངས་ལེགས་གྲུབ་བྱུང་བ་དེ་ཐོག་ནས་རྒྱ་གར་ནི་ཟླ་བའི་གོ་ལའི་ཕྱི་ངོས་སུ་ཐང་འབབ་མངོན་འགྱུར་བྱུང་བའི་རྒྱལ་ཁབ་བཞི་པར་གྱུར་པ་མཚོན།
