པ་ཀ་ཏར་ཐོན་པའི་རང་ལྕེབས་རང་བཞིན་གྱི་འབར་གས་དོན་རྐྱེན་གཉིས་ཀྱི་ཁྲོད་རྐྱེན་ལམ་དུ་ཤོར་མཁན་གྱི་མི་གྲངས་32བར་འཕར་བ།
འདི་ག་ལས་ཁུངས་ནས་སྤེལ་བའི་གནས་ཚུལ། དབྱི་རག་འཕྲོད་བསྟེན་པུས་སྤྱི་ཚེས་21ཉིན་གནས་ཚུལ་སྤེལ་བར་གཞིགས་ན། ཉིན་དེར་རྒྱལ་ས་པ་ཀ་ཏར་ཐོན་པའི་རང་ལྕེབས་རང་བཞིན་གྱི་འབར་གས་དོན་རྐྱེན་གཉིས་ཀྱི་ཁྲོད་རྐྱེན་ལམ་དུ་ཤོར་མཁན་གྱི་མི་གྲངས་32བར་འཕར་ཡོད་པ་དང་། གཞན་ཡང་མི་110ལ་རྨས་སྐྱོན་ཕོག་ཡོད། རང་ལྕེབས་རང་བཞིན་གྱི་འབར་གས་འཇབ་རྒོལ་བྱེད་མཁན་གྱི་ཉེས་ཅན་པ་གཉིས་ཀྱིས་་ཉིན་དེ་སྔ་དྲོ་པ་ཀ་ཏ་གྲོང་ཁུལ་གྱི་མི་སྣ་རུབ་བསྡུས་ཆེ་བའི་གྲོང་ཁུལ་ཞིག་ལ་འབར་གས་སྒྲིག་ཆས་འབར་གཏོར་བྱས་ཡོད་པ་དང་། འབར་གཏོར་ཐེངས་གཉིས་ཀྱི་བར་ལ་སྐར་མ་ཁ་ཤས་ཀྱི་དུས་ཁྱད་ལས་མེད། མིག་སྔར་སྒྲིག་འཛུགས་དང་མི་སྒེར་སུ་གང་ཞིག་གིས་ཀྱང་ད་ཐེངས་ཀྱི་འཇབ་རྒོལ་དོན་རྐྱེན་དེ་བཟོས་པ་ཁས་བླངས་མེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
ཡིག་སྒྱུར། ཟླ་བ་གཡུ་སྒྲོན།