གཅིག ཁུལ་ཆུང་གི་བགྲོད་ལམ་དང་མོ་ཊ་འཇོག་ས་སོགས་སུ་རྩེད་མོ་རྩེ་བ། 

    འགྲིམ་འགྲུལ་ཉེན་རྟོག་པས་དྲན་སྐུལ་བྱས་པར། ལོ་ཆུང་བྱིས་པ་ཁ་ཤས་ལམ་འགྲམ་དུ་ཙོག་པུར་སྡོད་པའམ་ཡང་ན་གཞུང་ལམ་ཐོག་ཁ་བུབ་བསློགས་ནས་རྩེད་མོ་རྩེ་བར་དགའ་པོ་ཡོད། དེའི་སྐབས་སུ་ཁ་ལོ་བས་མོ་ཊ་འཇོག་སྐབས་དང་རྒྱབ་བཤིག་རྒྱག་སྐབས་རྒྱབ་མཐོང་ཤེལ་སྒོ་ནས་གསལ་པོ་མཐོང་གི་མེད་པས། བསམ་ཡུལ་ལས་འདས་པའི་གནས་ཚུལ་མང་པོ་ཐོན་གྱི་ཡོད། དེར་བརྟེན་ཁྱིམ་བདག་ཚོས་ངེས་པར་དུ་ཕྲུ་གུ་ལམ་ཁར་རྩེད་མོ་རྩེ་མི་རུང་བའི་ཁ་ཏ་བསླབ་བྱ་བྱེད་དགོས།

གཉིས། རང་དགར་གཞུང་ལམ་དུ་ཡར་རྒྱུག་མར་རྒྱུག་བྱེད་པ། 

    འགྲིམ་འགྲུལ་ཉེན་རྟོག་པས་དྲན་སྐུལ་བྱས་པར། ཁྱིམ་བདག་ཚོས་ཕྲུ་གུ་འཁྲིད་ནས་རྐང་ཐང་མར་སྐྱོད་པའམ་ཡང་ན་མོ་ཊར་སྡོད་སྐབས་ཕྲུ་གུར་ལྟ་རྟོག་ཡག་པོ་བྱེད་དགོས་པ་ལས་ཁ་གཡེང་མིག་གཡེང་བྱེད་པའམ་ཡང་ན་ལག་ཐོགས་ཁ་པར་ལ་མགོ་འཁོར་ནས་སྡོད་པ་སོགས་རྩ་བ་ནས་བྱེད་མི་རུང་།

གསུམ། ཧོབ་སྟེ་རྒྱུག་ཤར་གློད་པ་དང་ལམ་ཕྱེད་ནས་ལྟག་ལོག་རྒྱག་པ། 

    འགྲིམ་འགྲུལ་ཉེན་རྟོག་པས་དྲན་སྐུལ་བྱས་པར། དེང་གི་ཆར། ཕྲུ་གུ་མང་ཆེ་བ་སྤོ་བོ་དང་རྨོ་བོས་ཉར་གྱི་ཡོད་པས། སྐབས་འགར་ཕྲུ་གུར་ལྟ་ལྟོག་བྱེད་པར་འཐུས་ཤོར་ཡང་འགྲོ་སྲིད། དེར་བརྟེན། རྣམ་ཀུན་ཕྲུ་གུ་ཚོས་གཞུང་ལམ་སྒྲོལ་སྐབས། ཧོབ་སྟེ་རྒྱུག་ཤར་གློད་རྒྱུ་མེད་ལ་ལམ་ཕྱེད་ནས་ལྟག་ལོག་རྒྱག་རྒྱུ་མེད། ལྷག་པར་དུ་གཞུང་ལམ་སྒྲོལ་སྐབས་ཕར་ལྟ་ཚུར་ལྟ་བྱས་ནས་མོ་ཊ་མེད་པའི་སྐབས་སུ། ལག་བརྡ་བྱས་རྗེས་གཞི་ནས་གཞུང་ལམ་སྒྲོལ་དགོས་པའི་སློབ་གསོ་རྒྱག་དགོས།