བོད་ལྗོངས་ཀྱིས་ས་གནས་ཀྱི་ལྷ་མོའི་ཟློས་གར་གྱི་སྣ་ཁ་ཡོངས་བཤེར་ལས་དོན་ལེགས་འགྲུབ་བྱས་པ།
སྤེལ་བའི་དུས་ཚོད། : 2019-04-15 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

གསར་འགོད་པས་བོད་རང་སྐྱོང་ལྗོངས་མི་རིགས་སྒྱུ་རྩལ་ཞིབ་འཇུག་སུའོ་ནས་ཤེས་རྟོགས་བྱུང་བ་ལྟར་ན། བོད་ས་གནས་ཀྱི་ལྷ་མོའི་ཟློས་གར་སྣ་ཁ་ཡོངས་བཤེར་གྱི་སྙན་ཞུ་དངོས་སུ་ལེགས་འགྲུབ་བྱུང་ཡོད་པ་རེད། སྙན་ཞུའི་ནང་བོད་ས་གནས་ཀྱི་ལྷ་མོའི་ཟློས་གར་གྱི་སྣ་ཁ་བསྐྱར་དུ་དབྱེ་བ་སྟེ། ཤར་པའི་མ་ཎི་ལྷ་མོ་དང་། སྤགས་གོང་ལྷ་མོ། ཆབ་མདོའི་ལྷ་མོ། མོན་པའི་ལྷ་མོ། ཞལ་འབག་སྔོན་པོའི་ལྷ་མོ། ཞལ་འབག་དཀར་པོའི་ལྷ་མོ་བཅས་རིགས་ཆེ་གྲས་དྲུག་ཡོད་ཅིང་། བོད་ས་གནས་ཀྱི་ལྷ་མོའི་ཟློས་གར་གྱི་སྣ་ཁ་གཏན་ཁེལ་ལ་ཚན་རིག་དང་མཐུན་པའི་གཞི་འཛིན་ས་མཁོ་འདོན་བྱས་པ་རེད།

ད་རེས་ཡོངས་བཤེར་བྱས་པའི་སྙན་ཞུའི་བཀྲག་མདངས་འཚེར་ས་ཆེ་ཤོས་ནི་སྤགས་གོང་ལྷ་མོ་དང་ཤར་པའི་མ་ཎི་ལྷ་མོ་གཉིས་ལྷ་མོའི་རང་ཚུགས་ཟློས་གར་ལ་གཏན་འཁེལ་བྱས་པ་རེད། བོད་རང་སྐྱོང་ལྗོངས་མི་རིགས་སྒྱུ་རྩལ་ཞིབ་འཇུག་སུའོ་ཡི་སུའོ་ཀྲང་ནོ་མོས་ངོ་སྤྲོད་བྱས་པ་ལྟར་ན། དཔྱད་ཡིག་ལ་ཡོངས་བཤེར་བྱས་པའི་རྨང་གཞིའི་ཐོག་ལས་སྒྲུབ་མི་སྣས《ཀྲུང་གོའི་ལྷ་མོའི་ཟློས་གར་གྱི་ལོ་རྒྱུས·བོད་ཀྱི་ལེའུ》དང་མངོན་མིན་རིག་གནས་ཤུལ་བཞག་གི་ཡོངས་བཤེར་དཀར་ཆག་བཟོ་བ་སོགས་ཀྱི་གྲངས་གཞིར་གཞིར་བཟུང་བ་དང་འབྲེལ་རིགས་གཅིག་མཁས་ཅན་གྱི་གྲོས་འགོ་དང་ཟུང་འབྲེལ་བྱས་ནས་ལྷ་མོའི་ཟློས་གར་དེ་གཉིས་ལྷ་མོའི་རང་ཚུགས་ཟློས་གར་ལ་གཏན་འཁེལ་བྱས་པ་དང་། དེ་ལས་བོད་ཀྱི་ལྷ་མོའི་ཟློས་གར་འཕེལ་རྒྱས་ལོ་རྒྱུས་ཐད་ཀྱི་ཞིབ་འཇུག་ལ་དཔྱད་ཡིག་ཁ་གསབ་ཀྱི་རིན་ཐང་ཡག་པོ་ལྡན་ཡོད་པ་རེད།

ཉེ་བའི་ལོ་ཤས་རིང་། རྒྱལ་ཁབ་ཀྱི་སྲུང་སྐྱོབ་ཤུགས་ཆེན་འོག་བོད་ཀྱི་ས་ཁུལ་ཁག་གི་ལྷ་མོའི་ཟློས་གར་སྒྱུ་རྩལ་ལ་སྲུང་སྐྱོབ་ནུས་ལྡན་ཐོབ་པ་དང་། བོད་ཀྱི་ལྷ་མོ་ཚུད་པའི་དམངས་ཁྲོད་རིག་གནས་མང་པོའི་འཕེལ་ཕྱོགས་ཅུང་ཡག་པོ་ཡོད། མིག་སྔའི་བར་ཞལ་འབག་སྔོན་པོའི་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག138དང་། ཞལ་འབག་དཀར་པོའི་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག3ཆབ་མདོའི་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག1སྤགས་གོང་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག1མོན་པའི་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག1ཤར་པའི་མ་ཎི་ལྷ་མོར་དམངས་ཁྲོད་ཀྱི་འཁྲབ་སྟོན་རུ་ཁག1བཅས་ཡོད་པ་རེད། །

ཡོང་ཁུངས། མི་དམངས་དྲ་བ།