སྤྱི་ཁྱབ་ཧྲུའུ་ཅི་ཞི་ཅིན་ཕེན་ཀན་སུའུ་འཐུས་ཚབ་ཚོགས་པའི་གྲོས་ཞིབ་ལ་ཞུགས་སྐབས་ཀྱི་གསུང་བཤད་གལ་ཆེན་ལ་ཀན་ལྷོའི་རིགས་སོ་སོའི་ལས་བྱེད་པ་དང་མང་ཚོགས་ཀྱི་ཚད་མཐོའི་དོ་སྣང་དང་གྲོས་བསྡུར་གང་ལེགས་བྱས་པ།
སྤེལ་བའི་དུས་ཚོད། : 2019-03-15 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

  ཀྲུང་གོ་བོད་ཀྱི་དྲ་བའི་འཕྲིན།ཉེ་སྔོན། སྤྱི་ཁྱབ་ཧྲུའུ་ཅི་ཞི་ཅིན་ཕེན་ཀན་སུའུ་འཐུས་ཚབ་ཚོགས་པའི་གྲོས་ཞིབ་ལ་ཞུགས་སྐབས། དབུལ་ཐར་མཁྲེགས་གཏོར་གྱི་བྱ་བར་གདེང་ཆོད་ནན་པོ་བཅངས་ནས་དམིགས་འབེན་དམ་པོར་བཟུང་སྟེ། གནད་དོན་དག་ཐེར་བྱེད་པར་གུ་ཡངས་མི་བྱེད་པ་དང་། ལས་འགན་མི་ལྷོད་པར་སྤྱོད་ཚུལ་བཅོས་སྒྱུར་ལ་འབད་པ་ཧུར་ཐག་བྱ་དགོས་ཞེས་ནན་གྱིས་བསྟན། ཀན་ལྷོ་ཁུལ་གྱི་རྒྱ་ཆེའི་ལས་བྱེད་པ་དང་མང་ཚོགས་ཀྱིས་བརྙན་འཕྲིན་དང་དྲ་རྒྱ། ཁ་པར་སོགས་བརྒྱུད་ནས་སྤྱི་ཁྱབ་ཧྲུའུ་ཅི་ཀན་སུའུ་འཐུས་ཚབ་ཚོགས་པའི་གྲོས་ཞིབ་ལ་ཞུགས་སྐབས་ཀྱི་གནས་ཚུལ་དང་ཆ་འཕྲིན་ལ་བལྟས་ཏེ། ཚང་མའི་ཚད་མཐོའི་དོ་སྣང་དང་གྲོས་བསྡུར་གང་ལེགས་བྱས།

  ཚང་མས་གཏིང་ཟབ་སྒོས་སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དོན་འཁྱོལ་བྱས་ཏེ། འབད་པ་ཧུར་ཐག་དང་ཐབས་ཇུས་ཡང་དག་སྤྱད་དེ་དབུལ་ཐར་མཁྲེགས་གཏོར་གྱི་ལས་འགན་དུས་ལྟར་ལེགས་འགྲུབ་ཡོང་བར་ཁག་ཐེག་དང་། ཀན་ལྷོ་ཁུལ་གྱི་ཕྱོགས་ཡོངས་ནས་དབུལ་ཐར་མཁྲེགས་གཏོར་དང་འབྱོར་འབྲིང་སྤྱི་ཚོགས་ལ་རྒྱལ་ཁ་ལེན་པར་ནུས་ཤུགས་འདོན་དགོས་པར་བསམས།

  ཀན་ལྷོ་ཁུལ་སྲིད་གཞུང་གི་དྲུང་ཡིག་ཆེན་མོ་གཞོན་པ་ལི་རྨིན་གྱིས་གསར་འགོད་པའི་བཅར་འདྲི་དང་ལེན་བྱེད་སྐབས་སུ། ཁོས་སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་ཀན་སུའུ་འཐུས་ཚབ་ཚོགས་པར་ཞུགས་སྐབས་ཀྱི་གསུང་བཤད་གལ་ཆེན་གྱིས་ཀན་ལྷོའི་རིགས་སོ་སོའི་ལས་བྱེད་པ་དང་མང་ཚོགས་ཀྱི་དབུལ་ཐར་མཁྲེགས་གཏོར་གྱི་གདེང་ཆོད་དང་སེམས་ཐག་ཇེ་བརྟན་དུ་བཏང་བ་དང་། ང་ཚོས་ཀྱང་སྤྱི་ཁྱབ་ཧྲུའུ་ཅི་ཡི་རེ་བ་སྟོང་ཟད་དུ་མི་གཏོང་བར་ཀན་ལྷོའི་སང་ཉིན་དང་མི་དམངས་སྔར་ལས་ལྷག་པར་མཛེས་སྡུག་དང་བདེ་སྐྱིད་ལྡན་པར་བྱ་དགོས་ཞེས་བཤད།

  ཀན་ལྷོ་ཁུལ་དག་ཐེར་སྒྲིག་བཅོས་ཁང་གི་ལས་བྱེད་མི་སྣ་དབྱང་དབྱི་རྨིན་གྱིས་གཏིང་ཟབ་སྒོས་ཞི་ཅིན་ཕེན་གྱི་དབུལ་སྐྱོར་བྱ་བའི་རྒྱས་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྔྱོང་དང་ངོས་ཟིན་གང་ལེགས་བྱས་ཏེ། ཀྲུང་དབྱང་དབུལ་ཐར་མཁྲེགས་གཏོར་གྱི་ཆེད་དོན་ཕྱིར་ལྡོག་བསམ་འཆར་དག་ཐེར་བྱེད་པའི་བྱ་བ་རེ་རེ་ལེགས་པར་བསྒྲུབས་པ་དང་། མི་དམངས་ལ་འགན་ཁུར་བའི་ཆོད་སེམས་བརྟན་པོར་བཅངས་ནས་ཁུལ་ཡོངས2019ལོར་སྤྱིའི་ཆ་ནས་དབུལ་ཐར་བྱེད་པའི་དམིགས་འབེན་ལ་ནུས་ཤུགས་གང་ཡོད་འདོན་དགོས་ཞེས་བཤད།

  གཙོས་གྲོང་ཁྱེར་སྣ་སྦུག་གྲོང་རྡལ་ཤོ་མང་སྡེ་བའི་མང་ཚོགས་ཐར་ལོས་སྤྱི་ཁྱབ་ཧྲུའུ་ཅི་ཡིས་གསུང་བཤད་ལ་ཉན་རྗེས“སྤྱི་ཁྱབ་ཧྲུའུ་ཅི་ཡིས་ཀན་སུའུ་འཕེལ་རྒྱས་ལ་ཐུགས་ཁུར་བྱེད་པ་མཐོང་རྗེས་སེམས་བདེ་སོང་། ད་ལྟ་ང་ཚོ་དབུལ་ཐར་བྱུང་ཡང་སྔར་བཞིན་རང་ཉིད་ཀྱི་བརྩོན་པར་བརྟེན་ནས་ཕྱུག་འགྱུར་གྱི་ལམ་དུ་བསྐྱོད་དགོས”ཞེས་བཤད།།

  རྩོམ་སྒྲིག་པ། ཀླུ་མོ་མཚོ།