རླངས་འཁོར་ཉོ་མཁན་ཚོས་གཏམ་བཟང་འདིར་ངེས་པར་དུ་གཟིགས་དགོས།
སྤེལ་བའི་དུས་ཚོད། : 2019-06-07 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

སྤྱི་ཟླ་6ཚེས་6ཉིན་གྱི་ཕྱི་དྲོ། རྒྱལ་ཁབ་འཕེལ་སྒྱུར་ཨུ་ལྷན་དང་། སྣོད་བཅུད་ཁོར་ཡུག་པུའུ། ཚོང་དོན་པུའུ་བཅས་ཀྱིས་《འཛད་སྤྱོད་དངོས་པོ་གཙོ་བོ་གསར་སྒྱུར་རིམ་སྤོར་དང་ཐོན་ཁུངས་འཁོར་རྒྱུག་བེད་སྤྱོད་ལ་སྐུལ་འདེད་གཏོང་བའི་ལག་བསྟར་ཇུས་གཞི(2019ལོ་ནས་2020ལོ་བར)》པར་འགྲེམས་བྱས་ཤིང་། དེ་རུ་བཏོན་པའི་ཆ་འཕྲིན་མང་པོ་ང་ཚོ་དང་འབྲེལ་བ་ཤིན་ཏུ་ཆེ།

རླངས་འཁོར་འཛད་སྤྱོད་སྐོར།

1.ནུས་ཁུངས་གསར་པའི་རླངས་འཁོར་ཉོ་རྒྱུར་ཚོད་འཛིན་མི་བྱེད་པ།

ཇུས་གཞིའི་ནང་ས་གནས་ཁག་གིས་ནུས་རྒྱུ་གསར་པའི་རླངས་འཁོར་ལ་འགྲོ་སྐྱོད་ཚོད་འཛིན་དང་ཉོ་སྒྲུབ་ཚོད་འཛིན་བྱེད་མི་ཆོག་པ་དང་།ལག་བསྟར་བྱས་ཟིན་པ་རྣམས་མེད་པར་བཟོ་དགོས་པ་བཏོན་ཡོད། ས་གནས་ཀྱིས་རླངས་འཁོར་མེད་པའི་ཁྱིམ་ཚང་ལ་ནུས་ཁུངས་གསར་པའི་རླངས་འཁོར་ཐོག་མ་ཉོ་བར་བསྔགས་སྐུལ་བྱ་དགོས་པ་དང་།ཆ་རྐྱེན་ཡོད་པའི་ས་གནས་ཀྱིས་རླངས་འཁོར་འཇོག་རིན་སོགས་ཀྱི་ཐད་ནས་ནུས་ཁུངས་གསར་པའི་རླངས་འཁོར་ལ་གཟིགས་སྐྱོང་དང་།ཕྱིར་འབུད་མེད་པའི་ཁུལ་ཚོད་ལྟ་བྱེད་པར་འཚོལ་ཞིབ་བྱ་དགོས་ཞེས་བཏོན་ཡོད།

2.ཉོ་སྒྲུབ་ཚོད་འཛིན་གྱི་གཏན་འབེབས་གསར་པ་འདོན་རྒྱུ་གཏན་འགོག་བྱེད་དགོས།

ཇུས་གཞིའི་ནང་ས་གནས་ཁག་གིས་རླངས་འཁོར་ཉོ་སྒྲུབ་ཚོད་འཛིན་གྱི་གཏན་འབེབས་གསར་པ་འདོན་རྒྱུ་གཏན་འགོག་བྱས་ཏེ།རླངས་འཁོར་ཉོ་སྒྲུབ་ཚོད་འཛིན་ལག་བསྟར་བྱས་ཟིན་པའི་ས་གནས་སྲིད་གཞུང་གིས་གྲོང་ཁྱེར་གྱི་འགྲིམ་འགྲུལ་འགག་པ་དང་།སྦགས་བཙོག་བཅོས་སྐྱོང་། འགྲིམ་འགྲུལ་དགོས་མཁོ་བཅས་ལ་གཞིགས་ནས་དོ་དམ་ཚོད་འཛིན་གྱི་ཕན་འབྲས་ལ་གཞིགས་ནས།ཉོ་སྒྲུབ་ཚོད་འཛིན་བྱེད་པ་ནས་བཀོལ་སྤྱོད་ལ་ཁྲིད་སྟོན་བྱེད་པ་དང་། ལམ་དུམ་བུ་འགག་པའི་གནས་ཚུལ་དང་ཟུང་འབྲེལ་གྱིས་འགག་པའི་ས་ཁོངས་ནང་རླངས་འཁོར་རིགས་དབྱེ་བེད་སྤྱོད་ཀྱི་སྲིད་ཇུས་ཞིབ་འཇུག་དང་འཚོལ་ཞིབ་བྱས་ཏེ།རྩ་དོན་ཐོག་འགག་པའི་ས་ཁོངས་ཕྱི་རོལ་དུ་ཉོ་སྒྲུབ་ཚོད་འཛིན་མི་བྱེད་པ་ཞེས་བཏོན་ཡོད།

3.རླངས་འཁོར་རྙིང་པ་གནས་སྤོ་བྱེད་པར་ཚོད་འཛིན་མི་བྱེད་པ།

ཇུས་གཞིའི་ནང་རླངས་འཁོར་རྙིང་པ་གནས་སྤོ་ཚོད་འཛིན་གྱི་སྲིད་ཇུས་མཐའ་གཅིག་ཏུ་མེད་པར་བཟོས་ནས།ས་གནས་ཁག་གིས་ཁོར་ཡུག་སྲུང་སྐྱོང་དང་བདེ་འཇགས་ལོ་བཤེར་ནུས་ལྡན་ཡིན་པ་མ་ཟད། གནས་སྤོ་བྱ་ཡུལ་གྱི་རླངས་འཁོར་གཏོང་འབུད་ཚད་གཞི་དང་མཐུན་པའི་རླངས་འཁོར་རྙིང་པ་ལ་ཉོ་ཚོང་སྟབས་བདེ་དང་འཁོར་རྒྱུག་ལ་སྐུལ་འདེད་གཏོང་བའི་སྲིད་ཇུས་བྱ་ཐབས་ཧུར་ཐག་འདོན་དགོས་ཞེས་བཏོན་ཡོད།རླངས་འཁོར་རྙིང་པ་གཞན་ཡུལ་དུ་ཉོ་ཚོང་བྱ་རྒྱུ་ཁྱབ་སྤེལ་གཏོང་བ་དང་། རྒྱལ་ཡོངས་ཀྱི་ཁྱབ་ཁོངས་སུ་རླངས་འཁོར་ས་ཁོངས་བསྒྱུར་བའི་ཆ་འཕྲིན་དྲ་བ་རིམ་བཞིན་བརྒྱུད་གཏོང་བྱེད་པ་མ་ཟད།ཉོ་ཚོང་བྱ་ཡུལ་དུ་སྤོ་སྒྱུར་ཐོ་འགོད་འགྲོ་ལུགས་འགྲིམ་དགོས་པ་བཏོན་ཡོད།

4.ཡུལ་མི་ཚོ། རླངས་འཁོར་ཉོ་བར་ཤོག

ས་གཞིའི་ནང་གྲོང་གསེབ་ཀྱི་ཡུལ་མིས་འཁོར་གསུམ་རླངས་འཁོར་བེད་མེད་དུ་བཏང་བ་དང་འབྲེལ་ཏུན་3.5དང་དེའི་མན་གྱི་ཟོག་འདྲེན་རླངས་འཁོར་ཉོ་བའམ་ཡང་ན་འབུད་ཚད་ཧྲེང་1.6དང་དེའི་མན་གྱི་མི་སྡོད་རླངས་འཁོར་ཉོ་པར།ཆ་རྐྱེན་འཛོམས་པའི་ས་གནས་ཀྱིས་དངོས་ཟོག་མཁོ་འདོན་ཁེ་ལས་ལ་འོས་འཚམ་གྱི་རྒྱབ་སྐྱོར་བྱེད་དགོས་པ་བཏོན་ཡོད།

ས་ཁུལ་རིམ་པ་དང་དེའི་མན་གྱི་གྲོང་ཁྱེར་དང་གྲོང་གསེབ་ས་ཁུལ་གྱི་རླངས་འཁོར་དངུལ་རྩའི་ཞབས་ཞུའི་ནུས་ལྡན་མཁོ་འདོན་གསར་སྣོན་བྱེད་དགོས་པ་བཏོན་ཡོད།

5.ནུས་རྒྱུ་གསར་པའི་རླངས་འཁོར་དེ་བས་རིང་བའི་ས་ཆར་གཏོང་བ།

ཇུས་གཞིའི་ནང་འཁོར་སྤྱོད་སྒུལ་ཤུགས་གློག་སྨན་རབས་གསར་པ་ཞིབ་འཇུག་གསར་སྤེལ་དང་ཐོན་ལས་ཅན་དུ་འགྱུར་ཚད་མགྱོགས་སུ་གཏོང་བ་དང་།གློག་རྫས་ཀྱི་ནུས་ཚད་འདུས་ཚད་དང་བདེ་འཇགས་རང་བཞིན་ཆེ་རུ་བཏང་ནས། གློག་རྫས་ལས་སྟེགས་ཅན་དང་ཚད་ལྡན་ཅན་རིམ་བཞིན་མངོན་འགྱུར་ཡོང་བ་བྱས་ཏེ་གློག་རྫས་ཀྱི་མ་གནས་དམའ་རུ་གཏོང་དགོས་ཞེས་བཏོན་ཡོད།

ནུས་ཁུངས་གསར་པའི་རླངས་འཁོར་དང་གློག་རྫས་བོགས་མར་གཏོང་ལེན་སོགས་རླངས་འཁོར་དང་གློག་ལོགས་སུ་འབྱེད་པའི་འཛད་སྤྱོད་བྱེད་སྟངས་ཁྱབ་སྤེལ་གཏོང་བ་དང་།རླངས་འཁོར་ཉོ་བའི་མ་གནས་དམའ་རུ་གཏོང་དགོས།

ནུས་ཚད་མཐོ་བའི་མྱུར་གསོག་དང་། སྐུད་མེད་གློག་གསོག སྤོ་སྒུལ་གློག་གསོག་སོགས་ལག་རྩལ་སྒྲིག་ཆས་ཞིབ་འཇུག་གསར་སྤེལ་དང་བཀོལ་སྤྱོད་བྱེད་པར་སྐུལ་འདེད་གཏོང་དགོས།

6.ཕི་ཁ་(皮卡)ཡང་གྲོང་ཁྱེར་དུ་འགྲོ་ཆོག

ཇུས་གཞིའི་ནང་ཆ་རྐྱེན་འཛོམས་པའི་ས་ཁུལ་རིམ་པ་དང་དེ་མན་གྱི་གྲོང་ཁྱེར་ལ་སྐུལ་མ་བཏང་ནས།ཕི་ཁ་གྲོང་ཁྱེར་དུ་སྐྱོད་པའི་ཚོད་འཛིན་མེད་པར་བཟོ་རྒྱུ་མགྱོགས་སུ་གཏོང་དགོས་ཞེས་བཏོན་ཡོད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།