▪ར་རྒྱའི་གངས་ལྗོངས་གཅེས་ནོར་ཐོན་རྫས་རྒྱལ་ནང་དུ་འཚོང་འགོ་ཚུགས།
སྤེལ་བའི་དུས་ཚོད། : 2017-10-13 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

མཚོ་སྔོན་ར་རྒྱ་ཤེས་རིག་ནོར་བུའི་སློབ་གླིང་གསར་འཛུགས་མཁན་བཙུན་པ་ར་རྒྱ་འཇིགས་མེད་རྒྱལ་མཚན་ལགས་ཀྱིས་གསར་འཛུགས་གནང་བའི་གངས་ལྗོངས་གཅེས་ནོར་འགན་འཁྲི་ཚད་ཡོད་མཐུན་གཉེར་ཁང་གི་འབྲི་མོའི་འོ་མའི་སྤྲི་ཆུར་སོགས་ལ་རྒྱལ་ཁབ་མ་ཟད། ཨ་རིའི་ཟས་རིགས་དང་སྨན་རྫས་བརྟག་དཔྱད་ཁང་གི་ FDA ཞེས་པའི་སྤུས་ཚད་ཁས་ལེན་ཐོབ་པ་སོགས་རྒྱལ་སྤྱིའི་ཁྱོན་ནས་གདེང་འཇོག་ཤིན་ཏུ་ལེགས་པོ་ཐོབ་ཅིང་ཚོང་རར་ཐོན་རྫས་ཀྱིས་མི་འདང་བའི་གནས་ཚུལ་བྱུང་ཡོད་ལ། ལྷག་པར་དུ་ཐོན་སྐྱེད་གཞི་རྒྱ་སོགས་ཀྱིས་རྐྱེན་པས་རྒྱལ་ནང་ནས་རེ་ཞིག་ཉོ་དཀའ་བར་གྱུར་ཡོད་མོད། ཉེ་ལམ་ནས་བཟུང་། གངས་ལྗོངས་གཅེས་ནོར་རྟགས་ཅན་གྱི་མཐོ་སྒང་འབྲི་མོ་འོ་མའི་ཐོན་རྫས་དག་མཚོ་སྔོན་ནོ་མ་ངྷི་རྒྱལ་སྤྱིའི་ཚོང་འབྲེལ་ཚད་ཡོད་མཐུན་གཉེར་ཁང་གིས་ཚབ་ཚོང་བྱས་ཏེ་ད་ལྟ་ཟི་ལིང་གྲོང་ཁྱེར་གྱི་ཚོང་ར་སོ་སོར་བཀྲམ་ཡོད་ཅིང་། ཐེངས་འདིའི་ལས་གཞིའི་ཁྲོད་དུ་ཕུགས་བསམ་དང་རེ་བས་ཁེངས་བའི་བོད་ཀྱི་ན་གཞོན་སྐོར་ཞིག་སྟེ་ཤེས་བརྩོན་གཉིས་ལྡན་གྱི་དཔུང་སྡེ་ཞིག་ཀྱང་ཡོད་དེ། དེ་ནི་ཟི་ལིང་གྲོང་ཁྱེར་དུ་གསར་དུ་དབུ་བརྙེས་པའི་སྐྱ་རེངས་ཕྱིར་ཚོང་དཔུང་སྡེ་ཡིན།

སྐྱ་རེངས་ཕྱིར་ཚོང་དཔུང་སྡེ་འདིས་བོད་ཁམས་ཀྱི་ལྷད་མེད་ལ་སྤུས་དག་པའི་ཐོན་རྫས་གང་མང་ཞིག་ལ་ཕྱིར་ཚོང་གི་འབྲེལ་ལམ་ཉུང་བ་དང་བོད་པའི་ཁེ་ལས་མང་ཤོས་ལ་ཕྱིར་ཚོང་གི་འདུ་ཤེས་ཞན་པར་དམིགས་ནས་བོད་ཀྱི་སྤུས་དག་ཐོན་རྫས་དང་ཚོང་རའི་བར་ལ་སྔར་མེད་ཀྱི་ཟམ་ཆེན་ཞིག་བསྐྲུན་པར་ཧུར་བརྩོན་བྱེད་ཀྱིན་ཡོད།

གངས་ལྗོངས་གཅེས་ནོར་རྟགས་ཅན་གྱི་འབྲི་མོའི་འོ་མའི་ཐོན་རྫས།



སྐྱ་རེངས་ཕྱིར་ཚོང་དཔུང་སྡེ།



གངས་ལྗོངས་གཅེས་ནོར་རྟགས་ཅན་གྱི་འབྲི་མོའི་འོ་མའི་ཐོན་རྫས།



གངས་ལྗོངས་གཅེས་ནོར་རྟགས་ཅན་གྱི་འབྲི་མོ་འོ་མའི་ཐོན་རྫས།



གངས་ལྗོངས་གཅེས་ནོར་རྟགས་ཅན་གྱི་འབྲི་མོ་འོ་མའི་ཐོན་རྫས་འདི་ཟི་ལིང་གྲོང་ཁྱེར་པེ་ཅིན་དཔའ་ལེན་དང་ཞིན་དཔའ་པེ་ཧཱོ་སོགས་གཙོ་བྱས་པའི་ཚད་ལྡན་ཚོང་ར་སོ་སོར་བཀྲམ་ཡོད་པས་སྟབས་བདེ་བོའི་ངང་ཉོ་ཐུབ།

རྩོམ་ཁུངས།WineBridge
རྩོམ་སྒྲིག་པ། བསོད་ཚེ།