ཉེ་ཆར། སྐད་འཕྲིན་ཚོགས་པར་སྤྱོད་མཁན་གྱི་ཚུར་ལན་འབྱོར་བ་སྟེ། མི་ལ་ལར“སྐད་འཕྲིན་ཚོགས་པའི”མིང་ཐོག་ནས་བསྐུར་བའི“དགའ་སྐྲག་ཟུང་འབྲེལ་གྱི་རྨོངས་སྒམ”གྱི་མྱུར་སྐྱེལ་འབྱོར་ཞིང་། དེའི་ནང་རྩ་གཉིས་ཨང་རྟགས་དཔར་བའི་ཤོག་བྱང་གཅིག་ཡོད། 

   སྐད་འཕྲིན་ཚོགས་པས་དེའི་ཐད་གསལ་བསྒྲགས་སྤེལ་ནས། སྐད་འཕྲིན་ཚོགས་པས་སྤྱོད་མཁན་ལ“དགའ་སྐྲག་ཟུང་འབྲེལ་གྱི་རྨོངས་སྒམ”གྱི་མྱུར་སྐྱེལ་གཏན་ནས་སྐུར་མྱོང་མེད་པ་དང་། མྱུར་སྐྱེལ་ནང་གི་རྩ་གཉིས་ཨང་རྟགས་ནི་མགོ་སྐོར་གཏོང་ཆེད་ཡིན་པས་རྒྱ་ཆེའི་སྤྱོད་མཁན་གྱིས་ངེས་པར་དུ་དེར་བཤེར་འབེབས་བྱེད་མི་རུང་། 

   སྐད་འཕྲིན་བདེ་འཇགས་ལྟེ་གནས་ཀྱིས་ཚང་མར་དྲན་སྐུལ་བྱས་དོན། ཡོང་ཁུངས་མི་གསལ་བའི་རྩ་གཉིས་ཨང་རྟགས་བཤེར་འབེབས་བྱེད་མི་རུང་བ་དང་། རིན་མེད་ངང་ལག་རྟགས་སྤྲད་པར་དོགས་གནད་ཡོད་པས་གོང་ཁེ་པོར་རྔམ་ནས་མགོ་སྐོར་འོག་ཚུད་མི་རུང་།