ཁྱེད་ཀྱིས5Gཤེས་སམ། ཡོངས་འཛིན་གྱིས་ཁྱེད་ལ་ངོ་སྤྲོད་གནང་འདུག
སྤེལ་བའི་དུས་ཚོད། : 2019-03-15 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

1.5Gཟེར་བ་ག་འདྲ་ཞིག་ཡིན།
5Gནི་ལས་རིགས་ཀྱི་ཚད་གཞི་འཛིན་ས་ཞིག་ཡིན་ལ། མིང་ཧྲིལ་བོར་རབས་ལྔ་བའི་སྤོ་འགུལ་འཕྲིན་གཏོང་ལག་རྩལ་གྱི་ཚད་གཞི་ཟེར།
2.5Gཚད་གཞི་གང་ནས་ཐོན་པ་དང་སུས་གཏན་འཁེལ་བྱས་པ་རེད།
དེ་ནི“རབས་གསུམ་པའི་མཉམ་ལས་རོགས་ཟླའི་འཆར་གཞི་རྩ་འཛུགས”(3rd Generation Partnership Project,བསྡུས་མིང་ལ3GPP)ཀྱིས་གཏན་འཁེལ་བྱས་པ་ཡིན། 3GPPནི་ཚད་ལྡན་ཅན་གྱི་སྒྲིག་གཞི་ཞིག་ཡིན་ལ། མིག་སྔར་དེའི་ཁོངས་སུ་ཀྲུང་གོ་དང་ཡོ་རོབ་གླིང་གི་རྒྱལ་ཁབ་ཁག ཉི་ཧོང་། ལྷོ་ཁོ་རེ་ཡ་དང་མེ་གླིང་བྱང་མ་སོགས་འདུས།
3.5Gལ་དགེ་མཚན་དང་ཁྱད་ཆོས་གང་འདྲ་ཡོད་དམ།
5Gཡིས་དྲ་དམངས་རྣམས་ལ་དྲ་སྦྲེལ་གྱི་མྱུར་ཚད་ཇེ་མགྱོགས་སུ་གཏོང་བ་དང་། དུས་ཚོད་འགོར་འགྱངས་མེད་པ། ཤོང་ཚད་ཇེ་ཆེར་སོང་བའི་དགེ་མཚན་ལྡན།
4.5Gམྱུར་ཚད་ཅི་འདྲ་ཡིན།
5Gམྱུར་ཚད་ནི4Gཡི་ལྡབ་བརྒྱ་འགྱུར་ལས་མྱུར་བ་དང་། མ་འོངས་པར5Gཆེས་མྱུར་བའི་ཚད་ནི་སྐར་ཆ་རེར20Gbལེགས་འགྲུབ་བྱུང་ཐུབ་ལ། ཡིན་ཡང་རྩིས་འཁོར་དང་ལག་ཁྱེར་ཁ་པར། གསོག་འཇོག་སྒྲིག་ཆས་སོགས་ཀྱི་མྱུར་ཚད་ཡང5Gདང་བསྟུན་ཅི་ཐུབ་བྱ་དགོས་པས་ལག་རྩལ་དེ་མངོན་འགྱུར་བྱེད་པར་ད་རུང་དུས་ཡུན་ངེས་ཅན་ཞིག་དགོས།
5Gཡིས་དྲ་སྦྲེལ་གྱི་མྱུར་ཚད་ཇེ་མགྱོགས་སུ་གཏོང་ཐུབ་པ་མ་ཟད། མིག་སྔར་ད་དུང་ལག་ལེན་དུ་འདེབས་མ་ཐུབ་པ་དང་ཡང་ན་ལག་རྩལ་མངོན་འགྱུར་བྱ་མ་ཐུབ་པ་དག་དངོས་སུ་ལག་ལེན་དུ་བཏབ་པ་དང་། དཔེར་ན། ཤེས་དཔལ་གྲོང་ཁྱེར། རིག་ནུས་ཁང་ཁྱིམ། མི་མེད་གནམ་གྲུ། ཟོག་སྦྲེལ་དྲ་རྒྱ་སོགས་མངོན་འགྱུར་བྱས་ནས5Gཡིས་མ་འོངས་པར་དྲ་དམངས་རྣམས་ཀྱི་འཚོ་བ་ལ་སྔར་ལས་ལྷག་པའི་སྟབས་བདེ་དང་བསམ་གྱིས་མི་ཁྱབ་པའི་སྤྲོ་སྣང་སྟེར་སྲིད་པ་ཁོ་ཐག་རེད།

 


ཡོང་ཁུངས། ཡོངས་འཛིན་འཕྲིན་སྟེགས།