བློ་བཟང་ལྷུན་གྲུབ་རྡོ་རྗེས་བོད་ཀྱི་རི་ཆུའི་རིག་གནས་གླེང་བ།
སྤེལ་བའི་དུས་ཚོད། : 2018-09-08 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

བློ་བཟང་ལྷུན་འགྲུབ་རྡོ་རྗེ་ལགས་ནི་སྤྱི་ལོ་1948ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་འབའ་རྫོང་དུ་སྐུ་འཁྲུངས་ཤིང་། ཅི་ལིན་སློབ་ཆེན་དཔལ་འབྱོར་རིག་པའི་ཞིབ་འཇུག་སློབ་མ་མཐར་ཕྱིན། སྔ་ཕྱིར་ཡུལ་ཚོའི་དཔོན་པོ་དང་རྫོང་དཔོན། ཁུལ་དཔོན། ཞིང་ཆེན་མགོ་ཁྲིད་སོགས་ཀྱི་ལས་འགན་བཞེས་མྱོང་ལ། ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་ཕྱག་ལས་གནང་བ་ནས་མཚོ་བོད་མཐོ་སྒང་གི་ཁོར་ཡུག་དང་རི་ཆུའི་རིག་གནས་ལ་དོ་སྣང་དང་ཞིབ་འཇུག་མཛད་པ་དང་། ཕྱིའི་རྒྱལ་ཁབ་བརྒྱ་ལྷག་བསྐོར་ཞིང་། རྒྱལ་ཡོངས་ཀྱི་ས་ཆ་གང་ས་དང་། ཁྱད་པར་དུ་བོད་ཡུལ་གྱི་གནས་རི་ཕལ་མོ་ཆེ་ལ་ཞབས་ཀྱིས་བཅགས་ཏེ་ཞིབ་འཇུག་མཛད།

བོད་ཡུལ་ནི་གངས་རིན་པོ་ཆེ་དང་། ཇོ་མོ་གླང་མ། གཉན་ཆེན་ཐང་ལྷ། གངས་དཀར་རི་བོ། ཁ་བ་དཀར་པོ་སོགས་གངས་རི་ཤེལ་གྱི་མཆོད་རྟེན་འདྲ་བ་མང་པོས་བསྐོར་ཡོད་ལ། ཇོ་མོ་ཚེ་རིང་མཆེད་ལྔ་དང་། སྲིད་པ་ཆགས་པའི་ལྷ་དགུ། རྗེ་ཡི་མགུར་ལྷ་བཅུ་གསུམ་སོགས་རི་བོ་རེ་རེ་བཞིན་སེམས་ཀྱི་ལྷ་རུ་བསྒོམས་ཡོད། དེ་བཞིན་དུ་རྨ་ཆུ་དང་། འབྲི་ཆུ། ཟླ་ཆུ་སོགས་གསེར་ལྡན་ཆུ་བོ་མང་པོའི་འབྱུང་ཁུངས་སུ་ཆགས་པ་དང་། བདུད་རྩི་ཆུ་ཡི་ཐིགས་པ་རེ་རེ་ནི་འགྲོ་བའི་འཚོ་རྟེན་དུ་གྱུར་ཡོད།


ཡོང་ཁུངས། ཁམས་པའི་བརྙན་འཕྲིན།
ལྟ་སྐུལ། ཝང་ཧྥེ།
རྩོམ་སྒྲིག་པ། རྡོ་རྗེ་གཡུ་སྒྲོན།