ས་གནས་དེ་གའི་དུས་ཚོད་ཚེས་15ཉིན། མོ་ཞི་ཁོའི་པོ་པོ་ཁ་ཐེ་ཕེ་ཐེ་མེ་རི་འཕྱུར་ནས་མེ་རིའི་ཐལ་བ་དང་རླངས་གཟུགས་མང་པོ་ཐོན་ཡོད་པ་རེད། 

   མོ་ཞི་ཁོ་རྒྱལ་ཡོངས་གནོད་འཚེ་སྔོན་འགོག་ལྟེ་གནས་ཀྱིས་དེ་ཉིན་འདས་ཟིན་པའི་ཆུ་ཚོད་24ཡི་ནང་པོ་པོ་ཁ་ཐེ་ཕེ་ཐེ་མེ་རི་ཐེངས་15འཕྱུར་ཡོད་ཅེས་བཤད་པ་རེད། 

   མིག་སྔར་མེ་རིའི་ཉེ་འགྲམ་དུ་ཉེན་བརྡ་སེར་པོ་བཏང་བ་དང་ས་གནས་དེ་གའི་སྲིད་གཞུང་སྡེ་ཁག་གིས་མི་རྣམས་མེ་རིར་མི་འཛེག་རྒྱུའི་ཉེན་བརྡ་བཏང་ཡོད། 

   པོ་པོ་ཁ་ཐེ་ཕེ་ཐེ་མེ་རི་ནི་མོ་ཞི་ཁོ་ཡི་རྒྱལ་ས་མོ་ཞི་ཁོ་གྲོང་གི་ཤར་ལྷོའི་སྤྱི་ལེ་72མཚམས་སུ་གནས་པ་དང་། རྒྱ་མཚོའི་ངོས་ལས་མཐོ་ཚད་སྨི་5400ལྷག་ཙམ་ཡོད། དེ་ནི་འཛམ་གླིང་ཐོག་འཁྲུག་ཆ་དོད་ཤོས་ཀྱི་མེ་རིའི་གྲས་ཤིག་རེད།