ས་གནས་དེ་གའི་དུས་ཚོད་སྤྱི་ཚེས་6ཉིན། ཨུ་རུ་སུའི་ཙུང་ཐུང་གི་གསར་འགྱུར་དྲུང་ཡིག་ཕེ་སི་ཁོ་ཧྥུའུ་ཡིས་ཨ་རིའི་རྒྱལ་དོན་བློན་ཆེན་པུའུ་ལིན་ཁེན་ཡུག་རེན་གྱི་རྒྱལ་ས་ཅི་ཧྥུར་འཚམས་འདྲི་ཞུས་པའི་སྐོར་ལ་ལན་བསྐྱོན་པ་རེད། ཁོང་གིས་པུའུ་ལིན་ཁེན་ད་ཐེངས་ཅི་ཧྥུར་བསྐྱོད་པའི་ཐོག་ནས་ཨ་རིས་རིན་དོད་གང་ལའང་མི་འཛེམས་པར་ཡུག་རེན་མུ་མཐུད་དུ་དམག་འཁྲུག་གི་མེ་འོབས་ནང་གནས་སུ་འཇུག་རྒྱུ་ཡིན་པ་དངོས་ར་སྤྲད་ཡོད་ཅེས་བརྗོད་པ་རེད། 

ཕེ་སི་ཁོ་ཧྥུའུ་ཡིས་ཨུ་རུ་སུ་ཕྱོགས་ཀྱིས་པུའུ་ལིན་ཁེན་གྱིས་གློ་བུར་དུ་ཅི་ཧྥུར་འཚམས་འདྲི་བྱེད་པར་དོ་ཁུར་ཆེན་པོ་བྱེད་ཀྱི་ཡོད། ཨུ་རུ་སུ་ཕྱོགས་ཀྱི་མིག་སྔར་ཁོང་དུ་ཆུད་པའི་ཆ་འཕྲིན་ལ་གཞིགས་ན། ཨ་རིས་“མུ་མཐུད་ནུས་ཤུགས་ཡོད་རྒུས་ཡུག་རེན་ལ་རྒྱབ་སྐྱོར་བྱ་རྒྱུ་ཡིན་”ཞེས་བཤད་ཡོད་པས། དེའི་ཐོག་ནས་ཨ་རིས་མུ་མཐུད་མེ་ཚ་བའི་ཐོག་ཤིང་ཤགས་པའི་དཔེར་ལྟར་རིན་དོད་གང་ལའང་མི་འཛེམས་པར་ཡུག་རེན་དམག་འཁྲུག་གི་མེ་འོབས་སུ་བཅུག་སྟེ་“ཡུག་རེན་ཕོ་ཟད་མོ་དང་མོ་ཟད་ཤིང་ལ་ཐུག་འཇུག་རྒྱུ་ཡིན་པའི་”ར་སྤྲོད་གསལ་པོ་བྱས་ཡོད་ཅེས་བཤད་པ་རེད།

སྤྱི་ཚེས་6ཉིན་ཡུག་རེན་རྒྱལ་ཁབ་གསར་འགྱུར་ཁང་གིས་གནས་ཚུལ་སྤེལ་བར་གཞིགས་ན། ཉིན་དེར་ཨ་རིའི་རྒྱལ་དོན་བློན་ཆེན་པུའུ་ལིན་ཁེན་གྱིས་ཅི་ཧྥུར་ཁོང་གིས་ད་ཐེངས་ཀྱི་བྱེད་སྒོ་དེ་ནི་ཨ་རིས་ཡུག་རེན་ལ་ཕུགས་སྐྱོར་བྱ་རྒྱུ་ཡིན་པ་མ་ཟད་ཡུག་རེན་ལ་ཕར་རྒོལ་དང་འབྱུང་འགྱུར་གྱི་འགོག་སྲུང་ནུས་པ་འཛུགས་པའི་མཁོ་སྒྲུབ་མཐའ་གསལ་བྱ་རྒྱུ་ཡིན་པ་མཚོན་པའི་ཆེད་དུ་ཡིན་ཚུལ་བསྟན་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན། 

ཞུ་དག བསྟན་འཛིན་དབང་ཕྱུག 

ཡིག་སྒྱུར། ཨ་བསྟན།

原文来源:央视网
审稿:旦增旺久
翻译:阿旦

编辑&制作:娜科