ལྗར་པན་ཧྥུ་ཏའོ་ཡི་ཉིང་རྡུལ་སྦགས་བཙོག་ཆུ་རྒྱ་མཚོར་ཕྱིར་འབུད་བྱས་པས་བཟའ་བཅའི་བདེ་འཇགས་ལ་སྦགས་བཙོག་བཟོ་བའི་ཉེན་ཁ་ཕྱོགས་ཡོངས་ནས་འགོག་ཟོན་དང་། ཀྲུང་གོའི་འཛད་སྤྱོད་པའི་བདེ་ཐང་སྲུང་སྐྱོང་། ནང་འདྲེན་བཟའ་བཅའི་བདེ་འཇགས་འགན་ལེན་བཅས་བྱེད་ཆེད།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཟའ་བཅའི་བདེ་འཇགས་བཅའ་ཁྲིམས་》དང་དེ་བཞིན་དེའི་ལག་བསྟར་སྲོལ་ཡིག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཕྱིར་གཏོང་ནང་འདྲེན་བཟའ་བཅའི་བདེ་འཇགས་དོ་དམ་བྱ་ཐབས་》ཀྱི་འབྲེལ་ཡོད་གཏན་འབེབས་དང་། དེ་བཞིན་འཛམ་གླིང་ཚོང་དོན་རྩ་འཛུགས་ཀྱི་《འཕྲོད་བསྟེན་དང་རྩི་ཤིང་གི་འཕྲོད་བསྟེན་བྱ་ཐབས་ལག་བསྟར་བྱ་རྒྱུའི་སྐོར་གྱི་གྲོས་ཆོད་》ཀྱི་འབྲེལ་ཡོད་གཏན་འབེབས་གཞིར་བཟུང་། འགག་སྒོ་སྤྱི་ཁྱབ་ཧྲུའུ་ཡིས2023ལོའི་ཟླ་8ཚེས་24ཉིན་ནས་བཟུང་། ཐོན་སྐྱེད་བྱེད་ཡུལ་ལྗར་པན་ནས་ཡིན་པའི་ཆུ་ཐོན་དངོས་རྫས་ཕྱོགས་ཡོངས་ནས་ནང་འདྲེན་བྱེད་མཚམས་འཇོག་རྒྱུའི་ཐག་བཅད་པ་རེད། （ཆུ་འཚོའི་སྲོག་ཆགས་ཚུད་ཡོད།）