ཆ་འཕྲིན་ཐེར་འདོན། mzjubao@cnr.cn

པར་རིས་མིག་གི་དགའ་སྟོན།

པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ལྷ་སར་བརྟག་ཞིབ་གནང་བ།

2020-08-05 16:44:00     责编:sangjzm

འདི་ནི་པཎ་ཆེན་སྐུ་ཕྲེང་བཅུ་གཅིག་པ་མཆོག་གནམ་གྲུར་བཞུགས་ནས་ལྷ་ས་གོང་དཀར་གནམ་ཐང་དུ་ཕེབས་བའི་རྣམ་པ་ཡིན།

མི་དམངས་དྲ་བའི་འཕྲིན། ཀྲུང་གོའི་བོད་ལྗོངས་དྲ་བས་སྤེལ་བའི་གནས་ཚུལ་ལྟར་ན། ཟླ་7པའི་ལྷ་སར་བསིལ་རླུང་འཇམ་པོ་ལྡང་ཞིང་སྦྲང་ཆར་སིལ་མ་བབས་པ་དང་། མཁའ་དབུགས་ཀྱི་ཁྲོད་དུ་དབྱར་ཁའི་དྲི་ཞིམ་འཐུལ་ལ་སྐྱེ་སྟོབས་ཀྱི་དཔལ་འབར་བའི་རྣམ་པ་ཞིག་མངོན། ལས་རིགས་ཁག་གིས་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱས་ཤིང་། དཔལ་འབྱོར་བརྟན་པོའི་ངང་སླར་གསོ་བྱུང་ནས། གྲོང་ཁྱེར་དང་གྲོང་གསེབ་ཀྱི་གྲོང་མིའི་ཐོན་སྐྱེད་དང་འཚོ་བའི་འཕེལ་ཕྱོགས་ལེགས་པོ་བྱུང་ཡོད། ཟླ་7པའི་ཚེས་31ཉིན། རྒྱལ་ཡོངས་སྲིད་གྲོས་ཀྱི་རྒྱུན་ཨུ། ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། བོད་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གནམ་གྲུར་བཞུགས་ནས་ལྷ་སར་ཕེབས་ཤིང་བརྟག་ཞིབ་དང་ཆོས་ཕྱོགས་ཀྱི་བྱེད་སྒོ་སྤེལ་བ་རེད།

བོད་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ། ལྗོངས་སྲིད་གྲོས་ཏང་ཙུའི་ཧྲུའུ་ཅི་ཏིང་ཡེ་ཤན་སོགས་བོད་རང་སྐྱོང་ལྗོངས་ཀྱི་འབྲེལ་ཡོད་འགོ་ཁྲིད་ཀྱིས་གོང་དཀར་གནམ་ཐང་དུ་ཕེབས་བསུ་ཞུས་པ་རེད། ཕྱག་བཏང་གནང་ནས་གུས་འདུད་ཞུས་པ་དང་ཕན་ཚུན་མཇལ་དར་བསྒྲོན་པ་རེད།

དེ་རྗེས་པཎ་ཆེན་སྐུ་ཕྲེང་བཅུ་གཅིག་པ་མཆོག་རླངས་འཁོར་ལ་བཞུགས་ནས་ལྷ་ས་གྲོང་ཁུལ་དུ་གནས་པའི་པཎ་ཆེན་རིན་པོ་ཆེའི་བཞུགས་གླིང་རྡོ་རྗེ་ཕོ་བྲང་དུ་ཕེབས། ཆར་པ་ཟིམ་ཟིམ་འབབ་པའི་གནས་མཆོག་ལྷ་སར་བསིལ་རླུང་ལྡང་བས་སྐྱིད་སྣང་སྟེར། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ། ཀྲུང་གོ་ནང་བསྟན་མཐུན་ཚོགས་ཀྱི་མཚན་འཛིན་ཚོགས་གཙོ། བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་འཕགས་པ་ལྷ་དགེ་ལེགས་རྣམ་རྒྱལ་དང་བོད་རང་སྐྱོང་ལྗོངས་ཀྱི་འབྲེལ་ཡོད་འགོ་ཁྲིད་བཅས་ཀྱིས་དེ་གར་ཕེབས་བསུ་ཞུས་པ་རེད། ལྷ་སའི་དགོན་སྡེ་ཆེ་གྲས་ཁག་གི་དགེ་འདུན་པའི་འཐུས་མི་དང་ལག་ཏུ་ཁ་བཏགས་དཀར་པོ་འཁྱེར་བའི་ལྷ་སའི་དད་ལྡན་མང་ཚོགས་ཀྱི་འཐུས་མིས་ཆར་ཟིམ་ཁྲོད་པཎ་ཆེན་སྐུ་ཕྲེང་བཅུ་གཅིག་པར་ཕེབས་སྒུག་ཞུས་པ་རེད།

དགེ་འདུན་པ་ཚོས་ཐང་ལ་གཡུང་དྲུང་སོགས་བཀྲ་ཤིས་པའི་ཐིག་རིས་ཕབ་ཤིང་ཚོམས་ཆེན་བར་དུ་ས་གདན་བཏིང་ནས་བོད་ཀྱི་སྲོལ་ལུགས་ལྟར་པཎ་ཆེན་རིན་པོ་ཆེར་ཕེབས་བསུ་གཟབ་རྒྱས་ཞུས་པ་རེད། དགེ་འདུན་པ་རྣམས་ཀྱིས་ཕེབས་རོགས་ཞུས་ཤིང་པཎ་ཆེན་སྐུ་ཕྲེང་བཅུ་གཅིག་པས་དགའ་བསུ་ཞུ་མཁན་སེར་སྐྱ་དད་ལྡན་མང་ཚོགས་ལ་བྱམས་ཀྱིས་གཟིགས་ཤིང་གུས་ལན་ཕུལ་ནས་ཚོམས་ཆེན་དུ་ཕེབས་པ་རེད།

འདི་ནི་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་། ཀྲུང་གོ་ནང་བསྟན་མཐུན་ཚོགས་ཀྱི་མཚན་འཛིན་ཚོགས་གཙོ། བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་འཕགས་པ་ལྷ་དགེ་ལེགས་རྣམ་རྒྱལ་གྱིས་པཎ་ཆེན་སྐུ་ཕྲེང་བཅུ་གཅིག་པ་མཆོག་དང་ཕན་ཚུན་མཇལ་དར་བསྒྲོན་པ་དང་ཕན་ཚུན་འཚམས་འདྲི་གནང་བའི་གནས་ཚུལ་ཡིན།

འདི་ནི་པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་སེར་སྐྱ་དད་ལྡན་མང་ཚོགས་ལ་གུས་ལན་ཞུ་བཞིན་པའི་རྣམ་པ་ཡིན།

འདི་ནི་པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་བཀྲ་ཤིས་ལོ་ལེགས་འབྱུང་པའི་སྨོན་ལམ་འདེབས་བཞིན་པ་ཡིན།

འདི་ནི་དད་ལྡན་མང་ཚོགས་ཀྱིས་ལག་ཏུ་ཁ་བཏགས་དཀར་པོ་འཁྱེར་ནས་པཎ་ཆེན་སྐུ་ཕྲེང་བཅུ་གཅིག་པར་ཕེབས་སྒུག་ཞུ་བཞིན་པ་ཡིན།


 

འཛམ་གླིང་སྐར་ཁུངས།

ལེ་པ་ནོན་གྱི་རྒྱལ་སའི་གྲུ་ཁར་འབར་རྫས་འབར་ནས་མི་73རྐྱེན་ལམ་དུ་ཤོར་བ་དང་མི་3700ལ་རྨས་སྐྱོན་ཕོག་པ།

འབར་གས་ཀྱིས་པེ་ལུའུ་ཐེའི་སྲང་ལམ་མང་པོའི་སྡོད་ཁང་ལ་གཏོར་སྐྱོན་ཚབས་ཆེན་བཏང་ཡོད་པ་དང། གང་ས་ནས་སྐྱོན་ཆག་ཤོར་བའི་སྐྲུན་དངོས་དང་ཤེལ་སྒོའི་ཆག་རོ་མཐོང་རྒྱུ་ཡོད། འབར་གས་བྱུང་སའི་ཉེ་འཁོར་གྱི་ཨ་ཧྲི་ལ་ཝུན་ཡེ་སྲང་ལམ་གྱི་གྲོང་མི་པི་ལེར་གྱིས་ཤིན་ཧྭ་གསར་འགྱུར་ཁང་གི་གསར་འགོད་པར་དོན་རྐྱེན་ཐོན་སྐབས་སྲང་ལམ་ཚང་མ་“གེགས་བར་ཆེན་པོ་ཐེངས་ཤིག་འཕྲད་པ་ལྟར་དུ་འགྱུར་ཞིང་” མི་མང་པོར་རྨས་སྐྱོན་ཕོག་འདུག་ཅེས་བརྗོད། ས་གནས་དེ་གའི་སྨན

中央广播电视总台 央广网 版权所有

པཎ་ཆེན་སྐུ་ཕྲེང་བཅུ་གཅིག་པ་མཆོག་གིས་ལྷ་སར་བརྟག་ཞིབ་གནང་བ།

ཀྲུང་གོའི་བོད་ལྗོངས་དྲ་བས་སྤེལ་བའི་གནས་ཚུལ་ལྟར་ན། ཟླ་7པའི་ལྷ་སར་བསིལ་རླུང་འཇམ་པོ་ལྡང་ཞིང་སྦྲང་ཆར་སིལ་མ་བབས་པ་དང་། མཁའ་དབུགས་ཀྱི་ཁྲོད་དུ་དབྱར་ཁའི་དྲི་ཞིམ་འཐུལ་ལ་སྐྱེ་སྟོབས་ཀྱི་དཔལ་འབར་བའི་རྣམ་པ་ཞིག་མངོན། ལས་རིགས་ཁག་གིས་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱས་ཤིང་། དཔལ་འབྱོར་བརྟན་པོའི་ངང་སླར་གསོ་བྱུང་ནས། གྲོང་ཁྱེར་དང་གྲོང་གསེབ་ཀྱི་གྲོང་མིའི་ཐོན་སྐྱེད་དང་འཚོ་བའི་འཕེལ་ཕྱོགས་ལེགས་པོ་བྱུང་ཡོད། ཟླ་7པའི་ཚེས་