བོད་ལྗོངས་ཀོང་པོ་རྒྱ་མདའ་རྫོང་གི་སྤྲེའུ་ཡི་དགའ་ཚལ།
2017-09-01 16:04:00
|
0

བོད་ལྗོངས་ཀོང་པོ་རྒྱ་མདའ་རྫོང་གྲོང་གསར་ཤང་གི་རྒྱབ་དཀར་སྟོང་རྩན་སྐྱེ་ཁམས་མཛེས་ལྗོངས་ཁུལ་དུ་དགུང་ལོ་60ལྷག་ལ་ཕེབས་པའི་ནགས་སྲུང་པ་སྟོབས་རྒྱལ་ཟེར་མཁན་ཞིག་ཡོད་ཅིང་། ཁོང་ནི་འདིར་སྤྲེའུ་རྣམས་གསོ་མཁན་ཉག་གཅིག་ཡིན་པ་དང་། སྤྲེའུ་རྣམས་ལྟ་སྐྱོང་ལོ་16བྱས་པ་རེད།

ཉེ་བའི་ལོ་འགའི་རིང་ལ། ས་གནས་དེ་གའི་སྐྱེ་ཁམས་ཁོར་ཡུག་སྲུང་སྐྱོང་བྱ་ཐབས་རབ་དང་རིམ་པ་ལག་བསྟར་བྱས་པ་དང་མང་ཚོགས་ཀྱི་སྐྱེ་ཁམས་ཁོར་ཡུག་སྲུང་སྐྱོང་གི་འདུ་ཤེས་ཇེ་མཐོར་སོང་བ་དང་ཆབས་ཅིག་མཛེས་ལྗོངས་ཁུལ་གྱི་སྐྱེ་དངོས་ཆགས་ཚུལ་ལོ་རེ་བཞིན་ལེགས་སུ་ཕྱིན་པ་དང་། སྤྲེའུ་གྲངས་འབོར་ཡང་མང་དུ་ཕྱིན་པ་རེད། མིག་སྔར་ཡུལ་དེར་སྤྲེའུ་2800ལྷག་ཡོད་པ་དང་། ཡུལ་སྐོར་བ་འབོར་ཆེན་གནས་འདིའི་སྙན་གྲགས་ལ་ཡིད་སྨོན་སྐྱེས་ཏེ་སྤྲོ་གསེང་ལྟ་སྐོར་ཡོང་མཁན་ཉིན་རེ་བཞིན་མང་དུ་འགྲོ་བཞིན་ཡོད་པ་རེད། །

ཡོང་ཁུངས། མི་དམངས་ཉིན་རེའི་ཚགས་པར།

   མདུན་ངོས་སུ་ལོག་པ།