ད་རླངས་འཁོར་འཇོག་ས་འབེལ་འབེལ་ལྷུག་ལྷུག་འདུག
གྲོང་མིའི་འཚོ་བའི་ཆ་རྐྱེན་ལེགས་སུ་འགྲོ་བ་དང་བསྟུན་རླངས་འཁོར་གྱི་ཁ་གྲངས་ཀྱང་ཆར་རྗེས་ཀྱི་མྱུ་གུ་འབུད་པ་བཞིན་ཉིན་རེ་ནས་ཉིན་རེ་མ་བསྡད་པར་འཕེལ་ནས་རླངས་འཁོར་འཇོག་ས་ཞི་ལྷོད་དུ་གཏོང་རྒྱུ་དེ་གྲོང་ཁྱེར་ཁག་གི་མིག་སྔའི་ཁ་ཚ་དགོས་གཏུགས་ཀྱི་གནད་དོན་ཞིག་ཏུ་གྱུར་ཡོད། བོད་ལྗོངས་ལྷ་ས་གྲོང་ཁྱེར་གྱིས་ས་ཆའི་ཐོན་ཁུངས་བེད་སྤྱོད་གང་ལེགས་བཏང་ནས་གྲོང་མིའི་རླངས་འཁོར་འཇོག་སའི་གནད་དོན་ཞི་ལྷོད་དུ་གཏོང་ཆེད། ལྷ་ས་གྲོང་ཁྱེར་གྱིས་ཉིན་ཤས་གོང་ཆ་རྐྱེན་ཡོད་པའི་ལས་ཁུངས་ཀྱིས་ནང་ཁུལ་གྱི་རླངས་འཁོར་འཇོག་ས་དང་གསང་སྤྱོད་ཕྱི་ཕྱོགས་སུ་རིན་མེད་ངང་སྒོ་འབྱེད་དགོས་པའི་གྲོས་འགོ་བཏོན་པ་རེད།
ལྷ་ས་གྲོང་ཁྱེར་གྱི་གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་ཆེན་པོའི་བྱ་སྤྱོད་སྤེལ་ཚུན། ལྷ་ས་གྲོང་ཁྱེར་དུ་བཅའ་སྡོད་ལས་ཁུངས་ཁག་གིས་བརྡ་ལན་ཧུར་ཐག་ཞུས་ཏེ་བདེ་འཇགས་འགན་ལེན་ཐུབ་པའི་སྔོན་འགྲོའི་ཆ་རྐྱེན་འོག་ལས་ཁུངས་ནང་ཁུལ་གྱི་རླངས་འཁོར་འཇོག་ས་དང་གསང་སྤྱོད་ཕྱི་ཕྱོགས་ལ་རིན་མེད་ངང་སྒོ་ཕྱེ་ཡོད།
ད་ལྟ་ཕྱི་ཕྱོགས་ལ་རིན་མེད་ངང་སྒོ་ཕྱེ་བའི་གྲོང་ཁྱེར་ཐད་གཏོགས་ཏང་སྲིད་ལས་ཁུངས་དེ་བཞིན་གཞུང་ཁོངས་ཁེ་ལས་དང་བྱ་གཞག་ཚན་པ་ཁག་གཅིག་གི་མིང་ཁྱབ་བསྒྲགས་བྱས་འདུག དེའི་ནང་རླངས་འཁོར་འཇོག་ས་དང་གསང་སྤྱོད་ཀྱི་ཁ་གྲངས་དེ་བཞིན་ལས་ཁུངས་ཀྱི་གནས་ཡུལ་སོགས་འབྲེལ་ཡོད་ཆ་འཕྲིན་ཚུད་ཡོད། སྒོ་དབྱེའི་དུས་ཚོད་ནི་ཆུ་ཚོད་24ཡིན་པ་རེད།
གནས་ཚུལ་ཞིབ་ཕྲ་གཤམ་གྱི་རྩ་གཉིས་ཨང་རྟགས་བཤེར་ནས་ལྟ་ཐུབ།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག ལྷག་པ། བསྟན་དབང་།
སྒྲིག་སྒྱུར། ཚེ་ཕུན།
