འདི་སྤྱོད་མཁན་དུང་ཕྱུར་6.34ཟིན་འདུག ཁྱེད་དེའི་ནང་ཨེ་ཡོད།
འདི་སྤྱོད་མཁན་དུང་ཕྱུར་6.34ཟིན་འདུག ཁྱེད་དེའི་ནང་ཨེ་ཡོད།
བཟོ་འཕྲིན་ཅན་པུའུ་ཡི་གྲངས་གཞི་ལས་མངོན་པར། ད་ལོའི་ཟླ་དང་པོ་ནས་བཞི་པའི་བར། གློག་འཕྲིན་ལས་སྒོའི་ཡོང་འབབ་ཁྱོན་བསྡོམས་སྒོར་དུང་ཕྱུར་5699ཟིན་པ་དེ་དུས་མཚུངས་ལས་7.2%འཕར་ཡོད། སྒུལ་བདེའི་ཁ་པར་སྤྱོད་མཁན་བརྟན་པོའི་ངང་འཕར་བ་དང་5Gསྤྱོད་མཁན་གྱི་གྲངས་ཀ་མགྱོགས་མྱུར་འཕར་ཡོད། ཟླ་བཞི་པའི་ཟླ་མཇུག་བར། རྨང་གཞིའི་གློག་འཕྲིན་ཁེ་ལས་གསུམ་གྱི་སྒུལ་བདེའི་ཁ་པར་སྤྱོད་མཁན་ཁྱོན་བསྡོམས་དུང་ཕྱུར་17.07ཡོད་པ་རེད།
དེའི་ནང་། 5Gསྒུལ་བདེའི་ཁ་པར་སྤྱོད་མཁན་དུང་ཕྱུར་6.34ཟིན་པ་དེས་སྒུལ་བདེའི་ཁ་པར་སྤྱོད་མཁན་གྱི་37.1%ཟིན་ཡོད། 5Gསྦྲེལ་ཚིགས་ཁྱོན་བསྡོམས་ཁྲི་273.3ཟིན་པ་དེས་སྒུལ་བདེའི་སྦྲེལ་ཚིགས་ཡོངས་ཀྱི་24.5%ཟིན་ཡོད། གཏན་འཇགས་དྲ་བ་སྤྱོད་མཁན་བརྟན་པོའི་ངང་འཕར་བ་དང་། རྨང་གཞིའི་གློག་འཕྲིན་ཁེ་ལས་གསུམ་གྱི་གཏན་འཇགས་སྦྲེལ་མཐུད་དྲ་བ་སྤྱོད་མཁན་ཁྱོན་བསྡོམས་དུང་ཕྱུར་6.08ཟིན་ཏེ། ལོ་གོང་མའི་ལོ་མཇུག་ལས་སྤྱོད་མཁན་ཁྲི་1811འཕར་ཡོད་པ་རེད། དེའི་ཁྲོད་ཀྲའོ་སྟོང་ཅན་སྤྱོད་མཁན་གྱིས་20%ཙམ་ཟིན་ཡོད་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག མིག་དམར་རྒྱ་མཚོ།
ཡིག་སྒྱུར། སྒྲོལ་མ་མཚོ།