གྲང་རླབས་ཉེན་བརྡ། ས་ཁུལ་འདི་དག་གི་དྲོད་ཚད་8℃ལྷག་མར་ཆག་རྒྱུ་རེད།
གྲང་རླབས་ཉེན་བརྡ། ས་ཁུལ་འདི་དག་གི་དྲོད་ཚད་8℃ལྷག་མར་ཆག་རྒྱུ་རེད།
ཀྲུང་དབྱང་གནམ་གཤིས་ལས་ཁུངས་ཀྱིས་སྤྱི་ཟླ་1ཚེས་24ཉིན་གྱི་ཆུ་ཚོད་6པར་གྲང་རླབས་ཉེན་བརྡ་སྔོན་པོ་བཏང་བ།
གྲང་ངར་གྱི་ཤུགས་རྐྱེན་གྱིས། སྔོན་དཔག་བྱས་པ་ལྟར་ན། སྤྱི་ཟླ་1པའི་ཚེས་24ཉིན་གྱི་ཆུ་ཚོད་8པ་ནས་ཚེས་25ཉིན་གྱི་ཆུ་ཚོད་8པའི་བར་དུ། ཧོང་ཧོའེ་ཡི་ལྷོ་ཕྱོགས་དང་། ཅང་ཧའེ་ཡི་ཤར་རྒྱུད། ཅང་ཧོའེ་ཡི་ལྷོ་རྒྱུད། འབྲི་ཆུའི་ལྷོ་རྒྱུད། ཧྭ་ནན། ཡུན་ནན་གྱི་ཤར་རྒྱུད་སོགས་ཀྱི་དྲོད་ཚད་ཏུའུ་6ནས་8བར་མར་ཆག་རྒྱུ་ཡིན་པ་དང་། དེ་ལས་ཀྲེ་ཅང་གི་ཤར་རྒྱུད་དང་ལྷོ་རྒྱུད། ཧྥུའུ་ཅན་གྱི་ས་ཆ་མང་ཆེ་བ། ཅང་ཞིའི་དབུས་རྒྱུད། ཀོང་ཏུང་གི་བྱང་རྒྱུད་སོགས་ས་ཁུལ་ཁ་ཤས་ཀྱི་དྲོད་ཚད་ཏུའུ་8ཡན་མར་ཆག་རྒྱུ་ཡིན་པ་དང་། གོང་གསལ་གྱི་ས་ཁུལ་ལ་སྔ་རྗེས་སུ་ལྷག་པ་རིམ་པ་4ནས་6བར་དང་། ལྷག་པ་ཆེ་བ་རིམ་པ་7ནས་8བར་ལྡང་རྒྱུ་རེད། རང་རྒྱལ་གྱི་རྒྱ་མཚོར་ཐག་ཉེ་བའི་མཚོ་ཁོངས་མང་ཆེ་བར་ལྷག་པ་རིམ་པ་6-8དང་ལྷག་པ་ཆེ་བ་རིམ་པ་9-10ལྡང་རྒྱུ་རེད། དྲོད་ཚད་དམའ་ཤོས་ནི་སྤྱི་ཚེས་25ཉིན་གྱི་ཞོགས་པ་ཡིན་པ་དང་། དྲོད་ཚད་དམའ་ཤོས་ 0℃ ཐིག་ཡུན་ནན་གྱི་ཤར་རྒྱུད་དང་ཀུའེ་ཀྲོའུ་ཡི་ལྷོ་རྒྱུད་ནས་ཧྭ་ནན་བྱང་རྒྱུད་བར་ཡིན་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག བསྟན་འཛིན་དབང་ཕྱུག
ཡིག་སྒྱུར། བྱམས་མཚོ།