ངོ་སྤྲོད་བྱས་པར་གཞིགས་ན། ཞིབ་འཇུག་ཁང་དེའི་ཞིབ་འཇུག་པ་ཚོས་མཚོ་སྔོན་ཟི་ལིང་གི་ལྷོ་བྱང་རི་བོ་རུ་ཕྱི་རོལ་རྟོག་ཞིབ་བྱེད་སྐབས། དམིགས་བསལ་ཅན་གྱི་སྐྱེ་དངོས་ཤིག་རྙེད་པ་དང་། སྐྱེ་དངོས་དེ་རྒྱ་མཚོའི་ངོས་ལས་མཐོ་ཚད་སྨི་2500ནས་2600བར་གྱི་སྐམ་ཤས་ཆེ་བའི་རི་ངོས་སུ་སྐྱེས་ཡོད་པ་ཞིག་ཡིན་ལ།  ཐོག་མའི་འདྲི་རྩད་དཔྱད་ཞིབ་ལྟར་ན་སྐྱེ་དངོས་དེ་ནི་བརྒྱད་ཟིལ་པོ་ཞེས་པ་དེ་ཡིན་པ་དང་། གཞུག་ཏུ་ཀྲུང་གོ་ཚན་རིག་ཁང་རྩི་ཤིང་ཞིབ་འཇུག་ཁང་གི་ཞིབ་འཇུག་པ་ཀྲང་ཤན་ཁྲུན་གྱིས་བརྒྱད་ཟིལ་པོ་ཞེས་པའི་མིང་བཏགས་པ་དེ་གཏན་འབེབས་བྱས་ཡོད། 

     བརྒྱད་ཟིལ་པོ་ཞེས་པའི་སྐྱེ་དངོས་དེ་ཀྲུང་གོའི་མངའ་ཁོངས་སུ་བོད་ལྗོངས་དང་སི་ཁྲོན་ཞིང་ཆེན་སོགས་ས་བབ་མཐོ་ཚད་སྨི་2500ནས་སྨི་3600བར་གྱི་ས་ཁུལ་ཁོ་ན་རུ་ཁྱབ་ཡོད་ལ།   སྤྱིར་བཏང་དུ་སྐྱེ་དངོས་དེ་བྲག་རྡོའི་འོག་གི་བརླན་ས་དང་རྡོ་སྲུབས་སུ་སྐྱེས་པ་ཞིག་ཡིན་ཞིང་། ཐེངས་འདིར་ཟི་ལིང་བྱང་རིའི་མིས་བཟོས་ནགས་ཚལ་གྱི་སྐྱེ་ཁམས་གླིང་དུ་སྐྱེས་ཡོད་པ་མ་ཟད། ས་གནས་དེར་སྐམ་སའི་རི་ལྡེབས་ཀྱང་ཡིན་པ་དེར་ཅུང་དམིགས་བསལ་ཡིན་པས་སྔར་བས་ཞིབ་འཇུག་གཏིང་ཟབ་བྱེད་རིན་ཡོད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན། 

ཞུ་དག བཀྲ་ཤིས་བཟང་པོ།

ཡིག་སྒྱུར། སྙན་དབྱངས།