རྒྱལ་ཡོངས་ཀྱི་སྤྱི་སྐད་ཁྱབ་གདལ་གཏོང་བའི་དྲིལ་བསྒྲགས་གཟའ་འཁོར་གྱི་བྱེད་སྒོ་སྤེལ་བ།
2024-09-23 11:05:00 责编：娜科
སློབ་གསོ་པུའུ་དང་ཀྲུང་དབྱང་དྲིལ་བསྒྲགས་པུའུ་སོགས་སྡེ་ཁག་དགུས་མཉམ་འབྲེལ་ཐོག་སྐབས་27པའི་རྒྱལ་ཡོངས་ཀྱི་སྤྱི་སྐད་ཁྱབ་གདལ་གཏོང་བའི་དྲིལ་བསྒྲགས་གཟའ་འཁོར་གྱི་བྱེད་སྒོ་དེ་ཚེས་22ཉིན་ཤིན་ཅང་ཁ་ཧྲེ་རུ་སྤེལ་བ་རེད། སྐབས་འདིའི་དྲིལ་བསྒྲགས་གཟའ་འཁོར་གྱིས་སྤྱི་སྐད་ཁྱབ་གདལ་ཤུགས་ཆེར་གཏོང་བ་དང་། རྒྱལ་ཁབ་སྟོབས་ཆེན་གྱི་སྐད་བརྡའི་རྨང་གཞི་སྲ་བརྟན་དུ་གཏོང་དགོས་ཞེས་པས་བརྗོད་བྱ་གཙོ་བོ་བྱས་པ་དང་། དེའི་རིང་། ས་གནས་ཁག་གིས་སྤྱི་སྐད་ཁྱབ་གདལ་བཏང་བའི་གྲུབ་འབྲས་འགྲེམས་སྟོན་དང་བཀོད་མཛེས་ཀྲུང་ཧྭ་ཞེས་པ་བརྗོད་བྱ་གཙོ་བོའི་དཔེ་ཀློག་སོགས་ཀྱི་བྱེད་སྒོ་སྤེལ་ཐོག ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་ཆེད་སྐུལ་འདེད་གཏོང་རྒྱུ་ཡིན་པ་རེད།
