འདི་ག་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས་12ཉིན་2024ལོའི་ཀྲུང་གོའི་རྒྱལ་སྤྱིའི་ཞབས་ཞུའི་ཉོ་ཚོང་གི་ཉོ་ཚོང་འདུ་ཚོགས་གོ་ལ་ཧྲིལ་པོའི་ཞབས་ཞུའི་ཉོ་ཚོང་དབུ་ཚོགས་དེ་པེ་ཅིང་དུ་འཚོགས་པ་རེད། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན། པེ་ཅིང་གྲོང་ཨུད་ཀྱི་ཧྲུའུ་ཅི་དབྱིན་ལིས་དབུ་ཚོགས་ཐོག ཀྲུའུ་ཞི་ཞི་ཅིན་ཕིང་གི་རྟེན་འབྲེལ་འཕྲིན་ཡིག་སྒྲོག་སྦྱངས་གནང་བ་རེད། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཏིང་ཤུའེ་ཞང་དབུ་ཚོགས་ལ་ཞུགས་པ་དང་འབྲེལ་བརྗོད་གཙོའི་གསུང་བཤད་ཀྱང་གནང་བ་རེད།

　　ཏིང་ཤུའེ་ཞང་གིས། ཀྲུའུ་ཞི་ཞི་ཅིན་ཕིང་གིས་ལོ་6བསྟུད་མར་ཞབས་ཞུའི་ཉོ་ཚོང་ཚོགས་འདུའི་ཐོག་བརྙན་ལམ་བརྒྱུད་གསུངས་བཤད་གལ་ཆེན་ གནང་བའམ་ཡང་ན་ཞབས་ཞུའི་ཉོ་ཚོང་ཚོགས་འདུར་རྟེན་འབྲེལ་འཕྲིན་ཡིག་སྤྲིངས་པ་དེ་ཐོག་ནས། ཀྲུང་གོས་ཆུ་ཚད་མཐོ་བའི་སྒོ་དབྱེར་བརྟེན་ནས་སྤུས་མཐོའི་གོང་འཕེལ་ལ་སྐུལ་འདེད་གཏོང་རྒྱུའི་ཆོད་སེམས་བརྟན་པོ་གང་ལེགས་མཚོན་ཡོད། དུས་རབས་གསར་པ་ཤར་ཚུན། ཀྲུང་གོས་ཆུ་ཚད་མཐོ་བའི་ཕྱི་ཕྱོགས་སྒོ་དབྱེར་སྐུལ་འདེད་ཤུགས་ཆེན་གཏོང་བ་དང་ཞབས་ཞུའི་ལས་རིགས་དང་ཞབས་ཞུའི་ཉོ་ཚོང་སྒོ་དབྱེ་དང་གསར་གཏོད་འཕེལ་རྒྱས་ལ་མགྱོགས་མྱུར་སྐུལ་འདེད་བཏང་བར་ཕན་འབྲས་མངོན་གསལ་དོད་པོ་ཐོན་ཡོད་ཅེས་གསུངས་པ་རེད།

　　ཏིང་ཞུའེ་ཞང་གིས། ཀྲུང་གོས་ཕྱོགས་ཁག་དང་མཉམ་དུ་ཞབས་ཞུའི་ལས་རིགས་དང་ཞབས་ཞུའི་ཉོ་ཚོང་གི་མཉམ་ལས་རྒྱུན་མཐུད་ངང་གཏིང་ཟབ་ཏུ་གཏོང་འདོད་ཡོད། སྒོ་འབྱེད་འཕེལ་རྒྱས་ཀྱི་གོ་སྐབས་གསར་པ་མཉམ་དུ་ལོངས་སྤྱོད་བྱེད་པ་དང་། རྒྱལ་ཡོངས་ཀྱི་རྒྱལ་ཁོངས་བརྒལ་བའི་ཞབས་ཞུའི་ཉོ་ཚོང་རིམ་བཞིན་སྒོ་མོ་འབྱེད་རྒྱུར་སྐུལ་འདེད་གཏོང་དགོས། འཕེལ་རྒྱས་ཀྱི་སྒུལ་ནུས་གསར་པ་ཐུན་མོང་ཐོག་སྐྱེད་སྲིང་དང་གསར་གཏོད་བྱེད་པ་དང་། ཞབས་ཞུའི་ཉོ་ཚོང་གྲངས་འཛིན་ཅན་དང་རིག་ནུས་ཅན། ལྗང་མདོག་ཅན་བཅས་སུ་འགྱུར་བའི་འཕེལ་རིམ་ལ་སྐུལ་འདེད་མགྱོགས་སུ་གཏོང་དགོས། ཚོང་རའི་བར་སྟོང་གསར་པ་ཐུན་མོང་ཐོག་རྒྱ་བསྐྱེད་པ་དང་། ཞབས་ཞུའི་ཉོ་ཚོང་དང་རྩེར་སོན་བཟོ་སྐྲུན་ལས་རིགས་མཉམ་འདྲེས་འཕེལ་རྒྱས་ཡོང་བར་སྐུལ་འདེད་གཏོང་དགོས། མཉམ་ལས་འཕེལ་རྒྱས་ཀྱི་ཁོར་ཡུག་གསར་པ་ཐུན་མོང་ཐོག་གཏོད་པ་དང་། རང་བརྟེན་སྒོ་འབྱེད་དང་དར་རྒྱས་ཡེ་ནས་མེད་པའི་རྒྱལ་ཁབ་ཁོ་ནར་སྒོ་མོ་བྱེད་རྒྱ་ཆེ་རུ་གཏོང་དགོས་ཞེས་ནན་སྟོན་གནང་ཡོད།

　　ཀུའུ་རེ་ཅི་ཡའི་ཙུང་ལི་གཞོན་པ་དང་པོ་ཏ་ཝུའེ་ཐ་ཧྲི་ཝུའེ་ལི་དང་འཛམ་གླིང་ཤེས་བྱའི་བདག་དབང་རྩ་འཛུགས་ཀྱི་སྤྱི་ཁྱབ་ལས་བྱ་ཏེང་ཧུང་སེན་དབུ་ཚོགས་ལ་ཞུགས་པ་དང་འབྲེལ་ཤིས་ཚིག་ཀྱང་གསུངས་ཡོད། དཔལ་འབྱོར་མཉམ་ལས་དང་འཕེལ་རྒྱས་རྩ་འཛུགས་ཀྱི་དྲུང་ཆེ་ཁོར་མན་གྱིས་བརྙན་ལམ་བརྒྱུད་ཤིས་ཚིག་གསུངས་པ་རེད།

　　དབུ་ཚོགས་མ་འཚོག་གོང་། ཏིང་ཞུའེ་ཞང་དང་དབྱི་ལིས་མཉམ་དུ་ཞབས་ཞུ་ཉོ་ཚོང་འགྲེམས་ཁང་དུ་གཟིགས་ཞིབ་གནང་བ་དང་འགྲེམས་ཚོགས་ནང་ཞུགས་མཁན་ཁེ་ལས་ཀྱི་འགན་འཁུར་བ་དང་སྤེལ་རེས་གནང་བ་རེད། ཏིང་ཤུའེ་ཞང་གིས་ཀྲུང་གོའི་སྒོ་དབྱེའི་སྒོ་མོ་ག་ཚོད་འབྱེད་རུང་དེ་ཚོད་ཀྱིས་ཆེ་རུ་འགྲོ་རྒྱུ་ཡིན་པས། རྒྱལ་ཁབ་ཁག་གི་ཁེ་ལས་ཀྲུང་གོར་མ་འཇོག་ལས་གཏོད་བྱེད་པར་ཡོང་རྒྱུར་དགའ་བསུ་ཞུ་རྒྱུ་དང་ཀྲུང་གོའི་འཕེལ་རྒྱས་ཀྱི་གོ་སྐབས་མཉམ་སྤྱོད་བྱེད་པའི་ཁྲོད་དེ་བས་ལེགས་པའི་ངང་འཕེལ་རྒྱས་དང་སྟོབས་ཆེར་འགྲོ་རྒྱུར་དགའ་བསུ་ཞུ་རྒྱུ་ཡིན་ཞེས་བསྟན་པ་རེད།