འདི་ག་ལས་ཁུངས་ནས་སྤེལ་བའི་གནས་ཚུལ། རྒྱལ་ཁབ་བདུན་གྱི་ཚོགས་པའི་དབུ་ཚོགས་ལ་དམིགས་པའི་གཞི་ཁྱོན་ཆེ་བའི་རྒོལ་གཏམ་བྱེད་སྒོ་ཞིག་ཚེས་14ཉིན་གྱི་ཕྱི་དྲོར་སུའེ་ཙེར་གྱི་རེ་ནེ་ཝ་གྲོང་ཁུལ་དུ་སྤེལ་བ་དང་། མི་ཆིག་སྟོང་ལྷག་ཙམ་བྱེད་སྒོ་དེར་ཞུགས་ཡོད། བྱེད་སྒོ་དེ་“རྒྱལ་ཁབ་བདུན་གྱི་ཚོགས་པར་ངོ་རྒོལ་བྱེད་པའི་མནའ་འབྲེལ་”གྱིས་སྤེལ་བ་ཞིག་ཡིན་པ་རེད། རྒྱལ་ཁབ་བདུན་གྱི་ཚོགས་པའི་དབུ་ཚོགས་དེ་ཚེས་15ནས་ཚེས་17བར་ཧྥ་རན་སིའི་ཨའེ་ཝུའེ་ཨང་ལའེ་པན་དུ་འཚོག་རྒྱུ་ཡིན་པ་དང་། ས་ཆ་དེ་དང་རེ་ནེ་ཝའི་བར་སྤྱི་ལེ་40ལྷག་ཙམ་ལས་མེད་པ་རེད། ཉེ་ཆར་སུའེ་ཙེར་གྱིས་བདེ་སྲུང་ལ་ཤུགས་སྣོན་བརྒྱབ་སྟེ་མཐའ་མཚམས་སུ་དམག་མི་དང་ཉེན་རྟོག་པ་4000བཀོད་སྒྲིག་བྱས་པ་ཕུད། ད་དུང་ཚེས་11ཉིན་ནས་བཟུང་སུའེ་ཙེར་དང་ཧྥ་རན་སིའི་མཐའ་མཚམས་ཀྱི་གཞུང་ལམ་འགག་སྒོ་25སྒོ་བརྒྱབ་ཡོད་པ་རེད།