དབྱི་རན་ཕྱི་འབྲེལ་པུའུ་ཀྲང་གིས་ཉིན་དེར། དབྱི་རན་དང་ཨ་རིའི་བར་གྱི་སྐད་ཆ་བཤོད་རེས་དང་ཆ་འཕྲིན་བརྗེ་རེས་སྔར་བཞིན་བྱེད་མུས་ཡིན། མིག་སྔར་ཨ་རིའི་བར་གྱི་དབྱེན་འབྱེད་གྲོས་མོལ་ཐད་ཀྱི་འཕེལ་རིམ་དང་འབྲེལ་བ་ཡོད་པའི་བགྲོ་གླེང་ཚང་མ་ཚོད་དཔག་བྱས་པ་ཞིག་རེད་ཅེས་བརྗོད་ཡོད།

དབྱི་རན་དབྱི་སི་ལམ་གསར་བརྗེའི་སྲུང་དམག་གི་མཚོ་དམག་དམག་སྤྱི་གཞོན་པས་ཟླ་5ཚེས་31ཉིན། རྣམ་པ་གང་རུང་ཞིག་གི་ཚད་ལས་འདས་པའི་རེ་བ་དང་བཙན་དབང་གི་བྱེད་སྤྱོད་ཀྱི་མདུན་དུ་དབྱི་རན་གྱིས་དེ་དག་ཚང་མ་དགྲ་ཕྱོགས་ཀྱི་མདུང་རྩེ་ཁ་སྤྲོད་དུ་བརྩིས་ནས་ཆེས་མཐའ་མཇུག་བར་དུ་འཐབ་འཛིང་བྱ་རྒྱུ་ཡིན་ཞེས་བརྗོད་ཡོད།

ཨ་རིའི་ཀྲུང་དབྱང་དམག་སྤྱི་པུའུ་ཡིས་ཟླ་5ཚེས་31ཉིན། ཨ་རིའི་མཚོ་དམག་གི་སྨི་ལི་ཀུའུ་སི་རྟགས་ཅན་གྱི་འཕུར་མདེལ་མཐར་སྤྲོད་དམག་གྲུས་དབྱི་རན་ལ་དམིགས་པའི་མཚོ་ཐོག་བཀག་སྡོམ་བྱ་འགུལ་ནང་ཞུགས་བཞིན་ཡོད། མིག་སྔའི་བར། ཨ་རིའི་དམག་གིས་དབྱི་རན་དམིགས་པའི་བཀག་སྡོམ་བྱེད་སྤྱོད་དབང་གིས་ཚོང་ལས་གྲུ་གཟིངས་118གྲུ་ལམ་སྒྱུར་དགོས་བྱུང་ཡོད་པ་མ་ཟད། གྲུ་གཟིངས་5ཡི་འགྲོ་སྐྱོད་བྱེད་ནུས་ཤོར་ཡོད་པས། ཁྱོན་བསྡོམས་གྲུ་གཟིངས་123ལ་ཤུགས་རྐྱེན་ཐེབས་ཡོད་ཅེས་བརྗོད་པ་རེད།

ཨ་རིའི་དཔོན་རིགས་ཤིག་གིས་ཟླ་5ཚེས་31ཉིན། གཟའ་འཁོར་གོང་མར་དབྱི་རན་གྱིས་ཁུ་ཝེ་ཐེ་རུ་གནས་པའི་ཨ་རིའི་དམག་གི་མཁའ་དམག་གི་རྟེན་གཞིར་དམིགས་ཏེ་མདེལ་ལམ་འཕུར་མདེལ་གྱི་འཇབ་རྒོལ་བྱས་པས། ཨ་རིའི་དམག་མི་4དང་འགན་གཙང་ལེན་མཁན་ཚོང་པ་3ལ་རྨས་སྐྱོན་ཏོག་ཙམ་བཟོས་ཡོད་ཅེས་ཟུར་གསལ་བྱས་པ་རེད། དཔོན་རིགས་དེས་རྨས་མ་7ཚང་མ་ཆུ་ཚོད་24ཡི་ནང་ལས་འགན་གནས་ཐོག་ཏུ་ལོག་ཐུབ་པ་བྱུང་ཡོད་ཅེས་བརྗོད་པ་རེད།