ཉེ་ཆར་ཀྲུང་གོར་ཡོད་པའི་འཇར་མན་ཚོང་ཚོགས་ཀྱིས་ཁྱབ་བསྒྲགས་བྱས་པའི《ཚོང་ལས་ཡིད་ཆེས་བརྟག་དཔྱད་སྙན་ཞུ》ལས་མངོན་པར་གཞིགས་ན། ཀྲུང་གོར་ཡོད་པའི་འཇར་མན་གྱི་ཁེ་ལས་93%གྱིས་མུ་མཐུད་ཀྲུང་གོའི་ཁྲོམ་རར་རྩ་བ་འཛུགས་རྒྱུའི་འཆར་གཞི་ཡོད་པ་དང་། བཅར་འདྲི་དང་ལེན་བྱེད་མཁན་འཇར་མན་གྱི་ཁེ་ལས་ཕྱེད་ཀ་ལྷག་ཙམ་གྱིས་ཀྲུང་གོར་མ་འཇོག་བྱེད་ཤུགས་ཆེ་རུ་གཏོང་རྒྱུ་ཡིན་པ་རེད། འཇར་མན་གྱི་ཁེ་ལས་ཤིག་གིས་ཀྲུང་གོར་མ་འཇོག་བྱས་ནས་ལོ་20ཟིན་ཡོད། ད་ལོ་ཁེ་སྤོགས་སྤྱད་དེ་སླར་ཡང་མ་འཇོག་ཡག་པོ་ཐུབ་ཆེད། ཁེ་ལས་ཀྱི་མཐོ་རིམ་དོ་དམ་པ་ཟླ་བ་གཅིག་ནང་པེ་ཅིང་དུ་ཐེངས་གསུམ་སླེབས་ཡོད། 

ཐོན་ལས་རྨང་གཞི་བརྟན་པོ་དང་། ཁྲོམ་རའི་མདུན་ལྗོངས་རྒྱ་ཆེན་པོ། རྒྱུན་ཆད་མེད་པར་ལེགས་སུ་གཏོང་བའི་ཕྱི་ཕྱོགས་སྒོ་འབྱེད་སྲིད་ཇུས་བཅས་ཀྱི་དབང་གིས་ཀྲུང་གོར་རྒྱལ་སྤྱིའི་མ་འཇོག་ཁེ་ལས་ཀྱི་དགའ་བསུ་རྒྱུན་མཐུད་ཐོབ་ཡོད། ཀྲུང་གོར་ཡོད་པའི་ཨ་རིའི་ཚོང་ཚོགས་ཀྱིས་ཁྱབ་བསྒྲགས་བྱས་པའི་2026ལོའི་ལོ་འཁོར་གྱི《ཀྲུང་གོའི་ཚོང་དོན་ཁོར་ཡུག་བརྟག་དཔྱད་སྙན་ཞུ》ཐོག་ནས་མངོན་པར། ཁེ་ལས་80%ཡིས་ཀྲུང་གོར་ལས་སྒོ་གཏིང་ཟབ་སྤེལ་བཞིན་པའི་ཕྱོགས་དེ་དམིགས་ཚད་གཙོ་བོར་བརྩིས་ཡོད་པ་དང་། ཁེ་ལས་ཕྱེད་ཀ་ལྷག་ཙམ་གྱིས་ཐོན་རྫས་གསར་པའི་ཞབས་ཞུ་འཚོལ་ཞིབ་ཧུར་ཐག་བྱེད་པའམ་ཡང་ན་མཁོ་མཁན་ཚོགས་པ་གསར་པ་རྒྱ་སྐྱེད་བཏང་སྟེ་ཚད་བརྒལ་གསར་པ་མངོན་འགྱུར་བྱེད་བཞིན་ཡོད།