འདི་ག་ལས་ཁུངས་ནས་སྤེལ་བའི་གནས་ཚུལ། ཨུ་རུ་སུ་དང་ཡུག་རེན་ཕྱོགས་གཉིས་ཀྱི་འཐབ་ས་མདུན་མའི་དམག་དཔུང་གིས་མིག་སྔར་སྔར་བཞིན་ཛ་དྲག་པའི་དམག་འཐབ་བྱེད་བཞིན་ཡོད་པ་དང་། མི་མེད་གནམ་གྲུའི་དམག་འཐབ་སྔར་བས་ཀྱང་ཛ་དྲག་ཏུ་ཕྱིན་ཡོད། ཨུ་རུ་སུའི་རྒྱལ་སྲུང་པུའུ་ཡིས་ཚེས་5ཉིན་འདས་ཟིན་པའི་ཆུ་ཚོད་24ནང་ཨུ་རུ་སུའི་དམག་དཔུང་གི་མཁའ་ཟོན་མ་ལག་གིས་གཏན་འཇགས་གཤོག་པ་ཅན་གྱི་མི་མེད་གནམ་གྲུ་356བཀག་འགོག་བྱས་ཡོད་ཅེས་བརྗོད་ཡོད། ཡུག་རེན་ཕྱོགས་ཀྱིས་ས་གནས་དེ་གའི་དུས་ཚོད་ཚེས་4ཉིན་གྱི་ཆུ་ཚོད་18ནས་བཟུང་ཨུ་རུ་སུའི་དམག་དཔུང་གིས་མི་མེད་གནམ་གྲུ་165སྤྱད་དེ་ཡུག་རེན་ལ་འཇབ་རྒོལ་བྱས་ཡོད་ཅེས་བརྗོད་ཡོད།