ཨུ་རུ་སུའི་དམག་དཔུང་གིས་མང་ཚོགས་གནས་སའི་ས་ཚིགས་གཉིས་གསར་དུ་ཚོད་འཛིན་བྱས་ཡོད་ཅེས་བརྗོད་པ་དང་། ཡུག་རེན་གྱིས་ཨ་རི་དང་ཡོ་རོབ་བར་ཡུག་རེན་དུ་ཨ་རིའི་དམག་དཔུང་མངགས་གཏོང་བྱ་རྒྱུའི་སྐོར་ལ་གྲོས་བསྡུར་བྱེད་བཞིན་ཡོད་ཅེས་བརྗོད་པ།
2025-12-31 10:37:00 责编：卓玛才让
འདི་ག་ལས་ཁུངས་ནས་སྤེལ་བའི་གནས་ཚུལ། ཟླ་12ཚེས་30ཉིན་ཨུ་རུ་སུའི་རྒྱལ་སྲུང་པུའུ་ཡིས་དམག་འཐབ་གནས་ཚུལ་ཁྱབ་བསྒྲགས་བྱས་པའི་ནང་། འདས་ཟིན་པའི་ཆུ་ཚོད་24ཡི་རིང་། ཨུ་རུ་སུའི་དམག་དཔུང་གིས་ཧའར་ཁོ་ཧྥུ་ས་ཁུལ་དང་ཀྲ་པོ་ལོ་རེ་ས་ཁུལ་གྱི་གཏན་སྡོད་ས་ཚིགས་གཉིས་ཚོད་འཛིན་བྱས་ཡོད་ཅེས་བརྗོད་ཡོད། ཡུག་རེན་དྲག་ཆས་དཔུང་སྡེའི་སྤྱི་ཁྱབ་དྲག་ཇུས་པུའུ་ཡིས་ཚེས་30ཉིན་ཡུག་རེན་དམག་དཔུང་གིས་ནན་སི་ལོ་པོ་རན་སི་ཁེ་དང་པོ་ཁེ་ལུའོ་ཧྥུའུ་སི་ཁེ་སོགས་ཕྱོགས་མང་པོ་ནས་ཨུ་རུ་སུའི་དམག་དཔུང་གི་ཚུར་རྒོལ་ཕྱིར་ལོག་བཏང་ཡོད་ཅེས་བརྗོད་ཡོད།
ཨུ་རུ་སུའི་རྒྱལ་སྲུང་པུའུ་ཡིས་ཚེས་30ཉིན་ཁྱབ་བསྒྲགས་བྱས་པའི་པར་རིས་ལས་མངོན་པར། “ཀྲེན་ཧྲུའུ་”རྟགས་ཅན་གྱི་འཕུར་མདེལ་སྒྲིག་སྦྱོར་བྱས་པའི་དཔུང་སྡེ་ཞིག་གིས་བྷེ་ཨུ་རུ་སུར་ལས་འགན་སྒྲུབ་བཞིན་ཡོད་པ་རེད། ཚེས་30ཉིན་ཡུག་རེན་གྱི་ཙུང་ཐུང་ཙེ་ལན་སི་ཅི་ཡིས་ཨ་རི་དང་ཡུག་རེན་གྱི་གྲོས་མོལ་ལམ་ལྷོངས་མ་བྱུང་བའི་བཤད་ཚུལ་ཁས་ལེན་བྱས་མེད་པ་དང་། ཙེ་ལན་སི་ཅིས་ཞི་བདེའི་འཕེལ་རིམ་ཐད་ཀྱི་འབྲེལ་ཡོད་ཡིག་ཆ་ཁག་གཅིག་ལ་2026ལོའི་ཟླ་1པོར་མིང་རྟགས་འགོད་རྒྱུའི་གྲ་སྒྲིག་བྱས་ཟིན་ཞེས་བརྗོད་ཡོད།
