ཨུ་རུ་སུས་སླར་ཡང་གཏན་སྡོད་ཁུལ་གསར་པ་ཞིག་ཚོད་འཛིན་བྱས་ཟིན་ཞེས་བཤད་པ་དང་། ཡུག་རེན་གྱིས་ཨུ་རུ་སུའི་ནུས་ཁུངས་ཀྱི་སྒྲིག་ཆས་ལ་འཇབ་རྒོལ་བྱས་ཡོད་ཅེས་བཤད་པ།
2025-12-26 15:14:00 责编：卓玛才让
འདི་ག་ལས་ཁུངས་ནས་སྤེལ་བའི་གནས་ཚུལ། ཨུ་རུ་སུའི་རྒྱལ་སྲུང་པུས་ཚེས་༢༥ཉིན། ཨུ་རུ་སུའི་དམག་གིས་སླར་ཡང་ཏུན་ཉེ་ཚེ་ཁའི་ས་ཁུལ་གྱི་གཏན་སྡོད་ཁུལ་ཞིག་ཚོད་འཛིན་བྱས་ཟིན་པ་དང་། ཨུ་རུ་སུའི་དམག་གིས་ཡུག་རེན་གྱི་གནམ་ཐང་དང་གྲུ་ཁའི་རྨང་གཞིའི་སྒྲིག་བཀོད་དང་། མི་མེད་གནམ་གྲུའི་ཐོན་སྐྱེད་འཁོར་ཁང་དང་ཡུག་རེན་དམག་གི་བྱ་སྤྱོད་ལ་འགན་ལེན་བྱེད་པའི་ནུས་ཁུངས་སྒྲིག་ཆས་ལ་རྡུང་རྡེག་བཏང་ཡོད་ཅེས་བཤད་འདུག ཡུག་རེན་དྲག་ཆས་དཔུང་སྡེའི་སྤྱི་ཁྱབ་དྲག་ཇུས་པུའུ་ཡིས་ཚེས་༢༥ཉིན། ཡུག་རེན་དམག་གིས་ཨུ་རུ་སུའི་ལོ་སི་ཐོ་ཧྥུ་མངའ་སྡེའི་སྣུམ་བཙོ་སྦྱང་བཟོ་གྲྭ་ཞིག་ལ་འཇབ་རྒོལ་བྱས་ཡོད། ཡུག་རེན་དམག་གིས་ད་དུང་ཨུ་རུ་སུའི་ཁེ་ལ་སི་ནོ་ཏའར་གྱི་མཐའ་མཚམས་ཁུལ་གྱི་གྲུ་ཁ་ཞིག་ལ་འཇབ་རྒོལ་བྱས་པའི་རྐྱེན་གྱིས། སྣུམ་བླུགས་སྣོད་གཉིས་ལ་མེ་འབར་ཡོད་ཅེས་བཤད་ཡོད།
