མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་ཀ་ཧྲར་དམག་མཚམས་འཇོག་པའི་གྲོས་ཆོད་ལ་ཡང་བསྐྱར་ཨ་རིའི་འདེམ་ཤོག་གཅིག་གིས་གྲོས་འཆམ་མ་བྱུང་བ།
2024-11-21 15:00:00 责编：卓玛才让
འདི་ག་ལས་ཁུངས་ནས་སྤེལ་བའི་གནས་ཚུལ། དབྱི་སི་རལ་རྒྱལ་སྲུང་དམག་གིས་སྤྱི་ཚེས་20ཉིན་བསྒྲགས་པ་ལྟར་ན། འདས་ཟིན་པའི་ཉིན་གཅིག་གི་ནང་། དབྱི་སི་རལ་དམག་གི་དམག་འཐབ་གནམ་གྲུས་ལེ་པ་ནོན་གྱི་དམིགས་འབེན་100ལྷག་ལ་འཇབ་རྒོལ་བྱས་ཡོད་པ་དང་། ལི་པ་ནོན་སྐྱབས་མགོན་ཏང་གི་དྲག་ཆས་པས་ཉིན་དེར་མུ་མཐུད་དུ་དབྱི་སི་རལ་ལ་མེ་ཤུགས་འཕུར་མདའ་འཕངས་ཡོད།
སི་རི་ཡའི་དམག་ཕྱོགས་ཀྱིས་སྤྱི་ཚེས་20ཉིན་གསལ་བསྒྲགས་སྤེལ་བའི་ནང་བསྟན་པ་ལྟར་ན། དབྱི་སི་རལ་གྱིས་སི་རི་ཡའི་དབུས་རྒྱུད་གྲོང་ཁྱེར་པར་སྨི་ལར་མཁའ་རྒོལ་བྱས་ཏེ་མི་36རྐྱེན་ལམ་དུ་བཏང་ཞིང་མི་50ལྷག་ཙམ་རྨས་ཡོད་པ་དང་། སི་རི་ཡའི་ཕྱི་འབྲེལ་པུས་ཉིན་དེར་གསལ་བསྒྲགས་སྤེལ་ནས་རྒོལ་གཏམ་དྲག་པོ་བཏང་ཡོད།
མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་སྤྱི་ཚེས་20ཉིན་རྒྱུན་ལས་ལས་འཛིན་མིན་པའི་རྒྱལ་ཁབ་10ཡིས་བཏོན་པའི་ཀ་ཧྲར་དམག་མཚམས་འཇོག་པའི་གྲོས་ཆོད་ལ་འདེམ་ཤོག་འཕངས་ཡོད་པ་དང་། ཨ་རིས་འདེམ་ཤོག་གཅིག་གིས་གྲོས་ཆོད་དེར་མོས་མཐུན་མ་བྱས་པས་གྲོས་ཆོད་ལ་གྲོས་འཆམ་བྱུང་ཐུབ་མེད། བདེ་འཇགས་ལས་འཛིན་ལྷན་ཚོགས་ཀྱི་རྒྱལ་ཁབ་གཞན་14ཡོངས་ཀྱིས་མོས་མཐུན་ཡོད་པའི་འདེམ་ཤོག་འཕངས་ཡོད།
