ཨ་རིའི་འབྲུག་རྟགས་ཅན་གྱི་འཕུར་གྲུ་བར་སྣང་ཁམས་སུ་འཕེན་གཏོང་བྱས་པ་དང་། ཨ་རི་དང་ཨུ་རུ་སུའི་མཁའ་སྐྱོད་པ་བླུགས་ཏེ་རྒྱལ་སྤྱིའི་བར་སྣང་ས་ཚིགས་སུ་འཕུར་བ།
2024-09-29 10:54:00 责编：娜科
འདི་ག་ལས་ཁུངས་ནས་སྤེལ་བའི་གནས་ཚུལ། ཨ་རིའི་བར་སྣང་འཚོལ་ཞིབ་ལག་རྩལ་ཀུང་སིའི་འབྲུག་རྟགས་ཅན་གྱི་འཕུར་གྲུ་ཚེས་28ཉིན་ཨ་རིའི་ཧྥུའོ་ལུའོ་ལི་ཏ་མངའ་སྡེ་ནས་བར་སྣང་ཁམས་སུ་འཕེན་གཏོང་བྱས་པ་དང་། ཨ་རི་དང་ཨུ་རུ་སུའི་མཁའ་སྐྱོད་པ་བླུགས་ཏེ་རྒྱལ་སྤྱིའི་བར་སྣང་ས་ཚིགས་སུ་འཕུར་ཡོད་པ་རེད། འཆར་གཞི་ལྟར་ན། འབྲུག་རྟགས་ཅན་གྱི་འཕུར་གྲུ་དེ་སང་ལོའི་ཟླ་2པར་ས་གོ་ལ་ཕྱིར་ལོག་ཡོང་རྒྱུ་ཡིན་ཞིང་། སྐབས་དེ་དུས་ད་ཐེངས་ཀྱི་ལས་འགན་སྒྲུབ་མཁན་མཁའ་སྐྱོད་པ་གཉིས་པོ་ཚུར་ལོག་རྒྱུ་ཕུད་ད་དུང་ཨ་རིའི་པོ་དབྱིན་ཀུང་སིའི“སྐར་ཚོམས་འགྲུལ་སྐྱེལ་འཕྲུལ་ཆས་”རྟགས་ཅན་གྱི་འཕུར་གྲུར་འགོག་རྐྱེན་འཕྲད་པའི་རྐྱེན་གྱིས་བར་སྣང་ས་ཚིགས་སུ་ལུས་པའི་ཨ་རིའི་མཁའ་སྐྱོད་པ་གཉིས་ཀྱང་བསུས་ཡོང་རྒྱུ་ཡིན་པ་རེད།
