འདི་ག་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས་8ཉིན་ཨུ་རུ་སུའི་རྒྱལ་སྲུང་པུའུ་ཡིས་གསལ་བསྒྲགས་སྤེལ་ནས། ཨུ་རུ་སུའི་དྲག་ཆས་སྟོབས་ཤུགས་ཀྱིས་ཝུའུ་ཁེ་ལན་གྱི་དྲག་ཆས་དཔུང་སྡེས་ཁུའུ་ཨེར་སི་ཁེ་མངའ་སྡེ་བཙན་འཛུལ་བྱས་པར་མུ་མཐུད་འགོག་རྒོལ་བྱེད་པ་དང་། མངའ་སྡེ་འདིའི་གཏན་སྡོད་བྱ་ཡུལ་མང་པོ་ཞིག་ཏུ་ཡུག་རེན་གྱི་དམག་དཔུང་ལ་རྡུང་རྡེག་གཏོང་རྒྱུ་ཡིན་ཞེས་འཁོད་ཡོད། ཉིན་དེར་ཡུག་རེན་གྱི་དྲག་ཆས་དཔུང་སྡེའི་སྤྱི་ཁྱབ་དམག་སྤྱི་སི་ཨེར་སི་ཅི་ཡིས། ཡུག་རེན་དམག་གིས་ཁུའུ་ཨེར་སི་ཁེ་ལ་སྤེལ་བའི་བྱ་སྤྱོད་དེས། ཨུ་རུ་སུའི་དམག་གིས་ཁ་ཕྱོགས་དེར་གྲ་སྒྲིག་རུ་ཁག་སྐོང་འཐེན་བྱེད་པའི་རོགས་སྣོན་ནུས་པར་གནོད་སྐྱེལ་ཡོད་ཅེས་བསྟན་འདུག

　　ཚེས་8ཉིན་ཨུ་རུ་སུའི་པའེ་ཨེར་ཀོ་ལུའོ་ཏེ་མངའ་སྡེའི་འགོ་འཛིན་གྱིས། ཡུག་རེན་དམག་དཔུང་གིས་མི་མེད་གནམ་གྲུ་སྤྱད་དེ་མངའ་སྡེ་དེའི་ཝོ་ལོ་ཁོ་ནུའོ་ཧྥུའུ་ཁ་ཁུལ་གྱི་འབར་རྫས་གསོག་འཇོག་མཛོད་ཁང་ཞིག་ལ་འཇབ་རྒོལ་བྱས་པས། སྣུམ་ཟོམ་ཁ་ཤས་ལ་མེ་ཤོར་བཅུག་ཡོད་ཅེས་བཤད་འདུག

　　ཚེས་8ཉིན་ཡུག་རེན་ཕྱོགས་ཀྱིས་མིག་སྔར་ཁུའུ་ལ་ཧོ་ཝོ་དང་པོ་ཁེ་ལོ་ཧྥུའུ་སི་ཕྱོགས་ཀྱི་དམག་འཁྲུག་ཛ་དྲག་ཤོས་ཡིན་པ་དང་། དགོས་ངེས་ཀྱི་བྱེད་ཐབས་མཐའ་དག་སྤྱད་དེ་ཨུ་རུ་སུའི་དམག་དཔུང་གིས་ཚུར་རྒོལ་བྱེད་པར་བཀག་འགོག་བྱེད་པ་དང་གནས་བབ་བརྟན་ལྷིང་ཡོང་ཐབས་བྱེད་བཞིན་ཡོད་ཅེས་བཤད་པ་རེད།