འདི་ག་ལས་ཁུངས་ནས་སྤེལ་བའི་གནས་ཚུལ། ཨུ་རུ་སུའི་རྒྱལ་སྲུང་པུས་ཚེས་22ཉིན་བརྡ་ཁྱབ་བཏང་ནས། ཨུ་རུ་སུའི་དམག་གི་མཁའ་ཟོན་མ་ལག་གིས་ཁེ་ལི་སྨི་ཡ་ཕྱེད་གླིང་ཕྲན་གྱི་མཁའ་ཐོག་ཏུ་ཡུག་རེན་དམག་གི་མི་མེད་གནམ་གྲུ་3གཏོར་ལྷུངས་བཏང་བ་མ་ཟད་རྒྱ་མཚོ་ནག་པོའི་ནུབ་རྒྱུད་ཆུ་ཁོངས་སུ་ཁེ་ལོ་སྨི་ཡ་ཕྱེད་གླིང་ཕྲན་གྱི་ཕྱོགས་སུ་དཔུང་འཇུག་བྱེད་བཞིན་པའི་ཡུག་རེན་མཚོ་དམག་གི་མི་མེད་དམག་གྲུ་4གཏོར་ཕམ་བཏང་ཡོད་ཅེས་བརྗོད་པ་རེད། ཡུག་རེན་ཕྱོགས་ནས། ཡུག་རེན་དྲག་ཆས་དཔུང་སྡེས་མུ་མཐུད་དེ་མེ་ལི་ཐུའོ་ཕོར་དང་པ་ཧོ་མུའུ་ཐེའི་ཕྱོགས་སུ་དཔུང་འཇུག་བྱེད་བཞིན་པ་མ་ཟད། ཧོར་སུང་ས་ཁུལ་གྱི་ཏི་ནའེ་ཕོ་ཆུ་བོའི་གཡོན་འགྲམ་གྱི་གཡུལ་ས་མུ་མཐུད་དེ་བརྟན་སྲུང་བྱེད་བཞིན་ཡོད་ཅེས་བརྗོད་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།